21 October 2020

News Flash

ठाण्यात ‘इअरफोन’मुळे थरारनाट्य…तरुणीने धावत्या रिक्षातून मारली उडी

दोन मैत्रिणी कासारवडवली येथून रिक्षात बसल्या...

(सांकेतिक छायाचित्र)

ठाण्यामध्ये एका तरुणीने धावत्या रिक्षातून उडी मारल्याचा प्रकार समोर आला आहे. रिक्षाचालकाने कानात घातलेल्या ‘इयर फोन’मुळे त्याला प्रवासी तरुणीचा आवाज ऐकू न आल्याने घाबरलेल्या तरुणीने रिक्षातून उडी मारल्याची प्राथमिक माहिती आहे.

मिळालेल्या माहितीनुसार, ४ ऑक्टोबर रोजी दोन मैत्रिणी कासारवडवली येथून रिक्षात बसल्या. भाईंदरपाडा येथे एका मैत्रिणीला रिक्षातून उतरायचे होते, त्यासाठी त्यांनी रिक्षाचालकाला रिक्षा थांबवण्यास सांगितले. पण त्यांचा आवाज न ऐकता त्याने भरधाव वेगाने रिक्षा पळवणे सुरूच ठेवले. इच्छित स्थळी न उतरविल्याने दोघी मैत्रिणी प्रचंड घाबरल्या. त्यामुळे दोघींपैकी एकीने धावत्या रिक्षातून उडी घेतली. यामध्ये तरुणी जखमी झाली असून तिच्या हाताला आणि चेहऱ्याला मार लागला आहे. तिला उपचारासाठी खासगी रुग्णालयात दाखल करण्यात आले आहे. तर, कासारवडवली पोलिसांनी याप्रकरणी रिक्षाचालक कामरान खान (22 रा.दहिसर) याला अटक केली असून रिक्षाचालकाने त्यावेळी कानात इअरफोन घातल्यामुळे त्याला तरुणीचा आवाज ऐकू न आल्याचं सांगितलं जात आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 7, 2019 10:42 am

Web Title: thane young girl jumped from running auto rickshaw sas 89
Next Stories
1 पुढच्या वर्षी नोकरदारांसाठी कामच काम; हक्काच्या अनेक सुट्या जाणार
2 … त्यांची नजर काहीतरी शोधत होती; त्यांचा निवारा उद्ध्वस्त झाला होता
3 #AareyForest: मुंबईत ‘आरे’वर कुऱ्हाड पडल्यानंतर चर्चेत आलेले चिपको आंदोलन नेमके आहे तरी काय, जाणून घ्या
Just Now!
X