24 January 2021

News Flash

मुखपट्टीविना फिरणाऱ्यांवर कारवाई

टाळेबंदीतून शिथिलता मिळाल्याने जनजीवन पूर्वपदावर येताच नागरिक घराच्या बाहेर पडू लागले आहेत.

(संग्रहित छायाचित्र)

दोन महिन्यांत साडेसहा लाखांचा दंड वसूल

वसई : करोनाचा प्रादुर्भाव रोखण्यासाठी वसई-विरार पालिकेने ऑक्टोबर महिन्यांपासून मुखपट्टीविना फिरणे, सामाजिक दुरीच्या नियमांचे उल्लंघन करणाऱ्यांविरोधात कारवाईचा बडगा उचलला होता. मागील दोन महिन्यांत विनामुखपट्टी फिरणाऱ्या ६ हजार ८७५ जणांवर पालिकेने कारवाई केली असून त्यांच्याकडून ६ लाख ८७ हजार ५०० रुपये इतका दंड वसूल करण्यात आला आहे.

टाळेबंदीतून शिथिलता मिळाल्याने जनजीवन पूर्वपदावर येताच नागरिक घराच्या बाहेर पडू लागले आहेत. परंतु घराच्या बाहेर पडताना अनेक जण मुखपट्ट्या न लावता फिरणे, सामाजिक दुरीच्या नियमांचे पालन न करणे, विनाकारण गर्दी करणे असे प्रकार समोर येत होते. यामुळे करोना संसर्गाचा प्रादुर्भाव वाढण्याची शक्यता होती. याला नियंत्रित करण्यासाठी पालिकेने १ ऑक्टोबरपासून मुखपट्टीचा वापर न करणाऱ्यांवर १०० रुपये दंडआकारणी करण्याचा निर्णय घेतला होता. त्यानुसार पालिकेच्या नऊ  प्रभागांतून कारवाईसाठी पथके नेमून कारवाईची सुरुवात केली आहे. दोन महिन्यांत नऊ  प्रभागांतून ६ लाख ८७ हजार ५०० रुपये इतका दंड वसूल करण्यात आल्याची माहिती पालिकेकडून देण्यात आली आहे.

केंद्र व राज्य सरकारने जनजीवन पूर्वपदावर आणताना देण्यात येत असलेल्या सवलतींची अंमलबजावणी करताना करोना विषाणूचा संसर्ग पुन्हा वाढण्याची शक्यता नाकारलेली नाही. नागरिकांनी योग्य खबरदारी घेऊन  दिलेल्या नियमांचे पालन करणे गरजेचे आहे अन्यथा संसर्ग वाढण्याची शक्यता आहे. यासाठी  नागरिकांनी सार्वजनिक ठिकाणी मास्क लावणे, आपापसात सुरक्षित सामाजिक अंतर ठेवणे, सार्वजनिक ठिकाणी गर्दी करू नये व थुंकू नये असे आवाहन पालिकेकडून करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 27, 2020 12:00 am

Web Title: vasai virar mahapalika without mask public action on pedestrians akp 94
टॅग Coronavirus
Next Stories
1 पुनर्विकासातील अडसर दूर
2 डोंबिवली रेल्वे स्थानक परिसरात वाहतूक कोंडी
3 करोनाच्या पाश्र्वभूमीवर यंदा स्वेटरची विक्री जोरात
Just Now!
X