ठाणे : येऊर येथील नील तलावात पोहण्यासाठी गेलेल्या दोन मुलांचा बुडून मृत्यू झाल्याची घटना ताजी असतानाच सोमवारी सकाळी तेजस चोरगे (१७) याचाही याच तलावात बुडून मृत्यू झाला. तर ध्रुव कुळे (१७) याचा आपत्ती व्यवस्थापन विभागाकडून शोध सुरू आहे. या घटनेनंतर येऊर येथील वन अधिकाऱ्यांनी पोलिसांच्या मदतीने या ठिकाणी गस्त वाढवली आहे.

वर्तकनगर भागात राहणारे तेजस आणि ध्रुव हे दोघे त्यांच्या पाच मित्रांसोबत सोमवारी सकाळी ८.३० वाजेच्या सुमारास नील तलावात पोहण्यासाठी गेले होते. पोहताना पाण्याचा अंदाज न आल्याने तेजस आणि ध्रुव हे दोघेही बुडाले. या घटनेची माहिती मिळाल्यानंतर आपत्ती व्यवस्थापन विभागाचे पथक घटनास्थळी दाखल झाले. त्यांनी तेजस आणि ध्रुव यांचा शोध घेण्यास सुरुवात केली. दुपारी ३ वाजेच्या सुमारास पथकाला तेजसचा मृतदेह आढळून आला. त्याचा मृतदेह शवविच्छेदनासाठी कळवा येथील छत्रपती शिवाजी महाराज रुग्णालयात पाठविण्यात आला आहे. तर ध्रुवचा शोध सायंकाळी उशिरापर्यंत लागला नव्हता. रविवारी याच तलावात सेंट्रल मैदान येथील पोलीस वसाहतीमध्ये राहणारा प्रसाद पावसकर (१६) आणि राबोडी भागात राहणाऱ्या जुबेर सय्यद (२१) याचा बुडून मृत्यू झाला होता.

Death of mother and son due to contact with electric wire installed in the field in Boisar
बोईसर: शेतामध्ये लावलेल्या विद्युत तारेचा स्पर्श होऊन आई- मुलाचा मृत्यू
pune rain marathi news, pune unseasonal rain marathi news
पुण्यात हलकापाऊस; दुचाकी घसरण्याच्या घटना
Trick For Lemon Tree Add turmeric water to the root of a lemon tree, the plant will get lots of lemons throughout the year
Trick For Lemon Tree: लिंबाच्या रोपाच्या मुळाशी टाका ‘या’ गोष्टी, वर्षभर रोपाला येतील भरपूर लिंबू
वसई : मत्स्य दुष्काळामुळे बोटी बंद ठेवण्याची वेळ, बंदीनंतर काही बोटी रवाना