ठाणे: भिवंडी येथील पूर्णा भागात ठाणे गुन्हे अन्वेषण शाखेच्या पथकाने १२ कोटी रुपयांचा रासायनिक ज्वलनशील साठा जप्त केला आहे. हा साठा बेकायदेशीर साठवणूक करण्यात आल्याची माहिती पोलिसांनी दिली. ठाणे येथील जय श्रीराम कॉम्प्लेक्स परिसरात मोठ्या प्रमाणात ज्वलनशील रासायनिक पदार्थांची साठवणूक करण्यात आल्याची माहिती भिवंडी युनिट दोनला मिळाली होती. या माहितीच्या आधारे पथकाने १२ कोटी सहा लाख लाख ७३ हजार ११८ रुपयांचा रासायनिक साठा जप्त केला. या प्रकरणी नारपोली पोलीस ठाण्यात गोदाम - मालक रोनक छेडा याच्या विरोधात गुन्हा दाखल करण्यात आला आहे.
