ठाणे: यंदा अनंत चतुर्दशी आणि ईद- ए- मिलाद हे दोन्ही सण एकाच दिवशी आले असले तरी गणेशोत्सवाच्या दुसऱ्या दिवशी ईदच्या मिरवणूका निघणार आहेत. या दोन्ही मिरवणूकांदरम्यान कोणताही अनूचित प्रकार घडू नये यासाठी ठाणे, नवी मुंबई आणि ठाणे ग्रामीण या सर्व भागात १८ हजार पोलीस अधिकारी आणि कर्माचाऱ्यांचा बंदोबस्त तैनात करण्यात येणार आहे. त्यामुळे ४८ तास बंदोबस्ताच्या कामात पोलीस व्यस्त असणार आहेत, अशी माहिती ठाणे जिल्ह्याचे पालकमंत्री शंभूराज देसाई यांनी दिली.
अनंत चतुर्दशी आणि ईद- ए- मिलाद या दोन्ही सणांसाठी शहरात मोठ्याप्रमाणात मिरवणूक निघतात. या मिरवणूकादरम्यान कायदा व सुव्यवस्था राखण्याचे मोठे आव्हान पोलिसांपुढे असते. त्यामुळे जिल्ह्यातील ठाणे,
हेही वाचा… कल्याणमध्ये महावितरणकडून बेकायदा बांधकामांना वीज पुरवठा, निर्भय बनोच्या पदाधिकाऱ्यांचे उपोषण
अनंत चतुर्दशी आणि ईद -ए- मिलाद हे दोन्ही सण एकाच दिवशी आले आहेत. पोलिसांनी मुस्लिम धर्मियांच्या प्रमुखांची बैठक घेऊन ईद -ए-मिलाद निमित्ताने निघणाऱ्या मिरवणूका दुसऱ्या दिवशी घेण्याचे आवाहन केले होते. त्यास मुस्लिम धर्मियांनी सकारात्मक प्रतिसाद दिला आहे. अनंत चतुर्दशी निमित्ताने दोन हजारहून अधिक गणेशमंडळाच्या विसर्जन मिरवणूका निघणार आहे. तर दुसऱ्या दिवशी ईद-ए-मिलाद निमित्ताने मिरवणूका निघणार आहेत. या दोन्ही मिरवणूकांसाठी पोलिसांना ४८ तास बंदोस्त तैनात करावा लागणार आहे. कायदा व सुव्यवस्था राखण्यासाठी ठाणे, नवी मुंबई आणि ठाणे ग्रामीण पोलीसांचा १८ हजार अधिकारी, कर्मचाऱ्यांचा बंदोबस्त तैनात असणार आहे. त्यामध्ये काही विशेष पथकांचा सामावेश असेल. दोन्ही मिरवणूका शांततेत पार पाडतील, असे देसाई यांनी सांगितले.
हेही वाचा… कल्याणमधील ट्रक चालकाच्या हत्येप्रकरणी दोघांना अटक
शहरात खड्डे बुजविण्याचे काम संबंधित महापालिकेच्या माध्यमातून सुरू असून अनंत चतुर्दशीपूर्वी खड्डे बुजविण्यात येतील, असा दावा देसाई यांनी केला. महापालिका हद्दीमध्ये इतर प्राधिकरणांचेही रस्ते आहेत. या रस्त्यांवरील खड्डेही महापालिकांमार्फत बुजविण्यात येत आहेत. या दुरुस्तीचा खर्च संबंधित प्राधिकरणाकडून महापालिकांना दिला जाणार आहे, असेही त्यांनी स्पष्ट केले.
Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: 18000 police personnel deployed in thane for anant chaturdashi and eid e milad processions dvr
