50 year old man died in thane railway police station zws 70 | Loksatta

तरुणीचा पाठलाग करत असल्याचा होता आरोप; ५० वर्षीय व्यक्तीचा पोलीस ठाण्यातच झाला मृत्यू

मृत व्यक्ती विरोधात एका २५ वर्षीय तरूणीचा सुमारे महिन्याभरापासून पाठलाग केल्याचा आरोप होता

तरुणीचा पाठलाग करत असल्याचा होता आरोप; ५० वर्षीय व्यक्तीचा पोलीस ठाण्यातच झाला मृत्यू
किरकोळ कारणावरुन गुन्हेगाराचा खून

ठाणे : ठाणे लोहमार्ग पोलीस ठाण्यात एका ५० वर्षी व्यक्तीचा त्याच्या विरोधातील तक्रार नोंदवित असताना मृत्यू झाल्याची घटना गुरूवारी उघडकीस आली. याप्रकरणाची नोंद ठाणे लोहमार्ग पोलीस ठाण्यात करण्यात आली आहे. मृत्यूचे स्पष्ट कारण अद्याप कळले नसले तरी हृदयविकाराचा झटका येऊन त्याचा मृत्यू झाला असावा असा अंदाज पोलिसांना आहे. मृत व्यक्ती विरोधात एका २५ वर्षीय तरूणीचा सुमारे महिन्याभरापासून पाठलाग केल्याचा आरोप होता. त्यानुसार, त्याला गुरूवारी सकाळी ठाणे रेल्वे स्थानकात रेल्वे सुरक्षा दलाने ताब्यात घेतले होते.

हा प्रकार लोहमार्ग पोलिसांच्या हद्दीत घडल्याने त्याला ठाणे लोहमार्ग पोलीस ठाण्यात आणण्यात आले. त्याच्याविरोधातील तक्रार नोंद होत असताना अचानक तो कोसळला. त्याचा मृतदेह मुंबईतील शासकीय रुग्णालयात विच्छेदनासाठी पाठविण्यात आला आहे. त्याच्या मृत्यूचे कारण अद्याप स्पष्ट झाले नसले तरी हृदयविकाराच्या झटक्याने त्याचा मृत्यू झाला असावा असा अंदाज पोलिसांना आहे. पोलीस ठाण्यात घडलेल्या प्रकाराचे सीसीटीव्ही चित्रीकरण उपलब्ध झाले असून पोलीस ठाण्यात आणण्यापूर्वीचे सीसीटीव्ही चित्रीकरण लोहमार्ग पोलीस मिळवित आहे. याप्रकरणाची नोंद ठाणे लोहमार्ग पोलीस ठाण्यात करण्यात आली आहे. तसेच याप्रकरणाचा पुढील तपास आता राज्य गुन्हे अन्वेषण विभाग करणार आहे.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
डोंबिवलीतील ३९ भूमाफियांच्या बांधकामांची साहाय्यक पोलीस आयुक्तांच्या मार्गदर्शनाखाली चौकशी

संबंधित बातम्या

कल्याण डोंबिवली पालिकेतील बेशिस्त कर्मचाऱ्यांना अतिरिक्त आयुक्तांचा दणका, दीडशे जणांना बजावल्या शिस्तभंगाच्या नोटीसा
मालमत्ता करमुक्तीसाठी शिवसेना आक्रमक
वसईतील ख्रिस्तायण : पारंपरिक पेहराव
वसई परिसरात हिवाळी पक्षी दाखल

व्हिडिओ

ताज्या बातम्या
अशोक मल्होत्रा, जतिन परांजपे क्रिकेट सल्लागार समितीवर
महानगर क्षेत्रात लवकरच आपला दवाखाना ; मुख्यमंत्री एकनाथ शिंदे यांची ग्वाही
FIFA World Cup 2022: टय़ुनिशियाविरुद्ध अपात्र गोलबाबत फ्रान्स फुटबॉल महासंघाची तक्रार
६० टक्के मतदान : गुजरातमध्ये पहिल्या टप्प्यात मतदारांचा निरुत्साह
अभ्यासक्रम अर्धवट सोडणाऱ्यांनाही कौशल्यानुसार प्रमाणपत्र; येत्या शैक्षणिक वर्षांपासून अंमलबजावणी