ठाणे, मुंबई जिल्ह्यात १०० गुन्हे केलेला ‘मोक्का’तील फरार इराणी गुंड अटकेत

कासीम मुख्तार इराणी उर्फ तल्लफ (२४) असे गुंडाचे नाव आहे. त्याच्यावर ठाणे, मुंबई जिल्ह्यातील विविध पोलीस ठाण्यात १०० हून अधिक गुन्ह्यांची नोंद आहे. संघटित गुन्हेगारी कायद्याने कासीमवर कारवाई करण्यात आली आहे. ३० गुन्ह्यांमध्ये त्याला फरार म्हणून घोषित करण्यात आले होते. काही वर्षांपासून पोलीस त्याचा माग काढत होते.

आणखी वाचा

ठाणे पोलिसांनी नोंदविला माजी पोलीस महासंचालक संजय पांडे यांचा जबाब; कथित गुन्ह्यात अडकविण्याची धमकी देऊन खंडणी वसूली प्रकरण

१४ डिसेंबर पंचांग: आज १२ पैकी ‘या’ राशींवर…

मुंबई : मालमत्तेच्या वादातून ३६ वर्षीय व्यक्तीची हत्या, दोघांना अटक

तेलंगणा बँक दरोड्याचे ‘बुलढाणा कनेक्शन’ ! दोन आरोपी मोताळा तालुक्यातील

पुणे : कल्याणीनगर भागांतील हॉटेलमध्ये धांगडधिंगा, हॉटेल मालकांवर गुन्हे

झोपु कायद्याच्या कठोर अंमलबजावणीत १०० हून अधिक समस्यांचा अडसर, उच्च न्यायालयात अहवाल

मुंबईत २४ कोटींचे अमलीपदार्थ जप्त, पाच जणांना अटक; अमलीपदार्थांसह दोन कोटी रोखही हस्तगत, डीआरआयची कारवाई 

धाड दंगल : ३३ विरुद्ध गुन्हे दाखल; १७ अटकेत, दोन पोलीसासह अनेक नागरिक जखमी

हेही वाचा – ठाणे : अधिकारी, ठेकेदारांच्या आर्थिक लागेबांधेमुळे रस्ते खड्ड्यात, आमदार संजय केळकर यांचा गंभीर आरोप

लपून असला तरी कासीमच्या छुप्या कारवाया सुरूच होत्या. त्यामुळे पोलिसांसमोर मोठे आव्हान उभे राहिले होते. कोणत्याही परिस्थितीत कासीमला पकडण्याचे आदेश वरिष्ठांनी दिले होते. कासीम धारवाड जिल्ह्यातील एका गावात लपून बसला आहे अशी माहिती खडकपाडा पोलीस ठाण्याचे वरिष्ठ पोलीस निरीक्षक सर्जेराव पाटील यांना मिळाली. उपायुक्त सचिन गुंजाळ, वरिष्ठ निरीक्षक पाटील यांच्या मार्गदर्शनाखाली पोलीस निरीक्षक शरद झिने, नंदकुमार केंचे, साहाय्यक पोलीस निरीक्षक अनिल गायकवाड, हवालदार मधुकर दाभाडे, अशोक पवार, जितेंद्र ठोके, संजय चव्हाण, नवनाथ डोंगरे, जितेंद्र सरदार, संजय चव्हाण, राजू लोखंडे, संदीप भोईर, योगेश बुधकर, सुधीर पाटील, राहुल शिंदे, नवनाथ बोडके, अनंत देसले, कुंदन भांबरे, अविनाश पाटील याचे पथक शुक्रवारी सकाळी कर्नाटकमधील धारवाड जिल्ह्यात दाखल झाले.

पोलिसांनी कासीम राहत असलेल्या अलनवार गावाला वेढा घातला. त्याचा गावातील घराघरात जाऊन शोध सुरू केला. आपणास पोलिसांनी घेरले असल्याची कुणकुण लागताच कासीमने तो लपून बसलेल्या घराची कौले काढून पळून जाण्याचा प्रयत्न केला. गावाच्या चहूबाजूने वेढा टाकलेल्या पोलिसांनी कासीमचा पाठलाग करून त्याला गावाच्या हद्दीत जेरबंद केले. या झटापटीत एक पोलीस जखमी झाला. कल्याणजवळील आंबिवलीमधील पाटीलनगरमधील इराणी वस्तीत कासीम राहतो. त्याच्याकडून पाच दुचाकी, एक पिस्तुल हस्तगत करण्यात आले आहे.

हेही वाचा – डोंबिवली: एटीएम सेवेतील कामगारांनी चोरली १३ लाखाची रक्कम

कासीमच्या अटकेने मुंबई, ठाणे जिल्ह्यातील अनेक गुन्हे उघड होण्याची शक्यता पोलिसांनी वर्तविली. अपर पोलीस आयुक्त दत्तात्रय शिंदे, उपायुक्त सचिन गुंजाळ, साहाय्यक पोलीस आयुक्त कल्याणजी घेटे यांनी खडकपाडा पोलिसांचे कौतुक केले.