कल्याण – कल्याण-शिळफाटा रस्त्यावरील टाटा पाॅवर नाका येथील पिसवली गाव हद्दीत बुधवारी एका पोतळीमध्ये भरलेली हजारो मतदारांची ओळखपत्रे रस्त्यावर फेकलेली आढळून आली आहेत. बहुतांशी मतदार ओळखपत्रे कल्याण पूर्व भागातील नेतिवली, पिसवली, चक्कीनाका भागातील रहिवाशांंची असल्याचे समजते.

मानपाडा पोलिसांनी ही ओळखपत्रे ताब्यात घेऊन या मतदान ओळखपत्रांची सत्यता, ही ओळखपत्रे रस्त्यावर कोणी आणून फेकली. अलीकडे पार पडलेल्या लोकसभा निवडणुकीत या मतदार ओळखपत्रांचा वापर झाला आहे का या दिशेने तपास सुरू केला आहे. कल्याण पूर्वेतील कल्याण-शिळफाटा रस्त्याजवळील पिसवली गावाच्या प्रवेशव्दारावरील कमानीजवळ एक वस्तूने भरलेली पिशवी बुधवारी पडली असल्याचे नागरिकांना दिसले. सुरुवातीला शिळफाटा रस्त्यावरून धावणाऱ्या एखाद्या वाहनातून ही पिशवी पडली असल्याचे पादचाऱ्यांना वाटले. परंतु, एका पादचाऱ्याने या पिशवीत काय आहे हे पाहण्यासाठी ती पिशवी उघडली. त्यामध्ये निवडणूक मतदान ओळखपत्रे दिसली. ही ओळखपत्रे फेकण्यात काहीतरी गडबड दिसते, त्यामुळे संबंधित पादचारी तेथून निघून गेला.

kalyan shivsena new appointment
कल्याणमधील ठाकरे गटाच्या नव्या नेमणुका, सामान्य शिवसैनिकांमध्ये नाराजी
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
kalyan shilphata road marathi news
मेट्रोच्या कामांमुळे शिळफाटा रस्त्यावरील अवजड वाहने पर्यायी रस्त्यावरून वळविण्याच्या हालचाली
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
voter ID card found on the Road
डोंबिवलीत रस्त्यावर सापडलेल्या मतदार ओळखपत्रप्रकरणी ‘बीएलओ’ अधिकाऱ्यांवर गुन्हा
fraud, youth, Thane,
कल्याणमधील तरुणीची लग्नाचे आमिष दाखवून ठाण्यातील तरुणाकडून ६० लाखाची फसवणूक
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
Regency Anantam Water Cut Issue
डोंबिवलीतील हाय प्रोफाईल गृहसंकुल प्रकल्पात पाण्याचा खडखडाट, घरं खरेदी केलेल्या लोकांची निराशा

हेही वाचा – ठाणे जिल्ह्यात मुसळधार पाऊस, सखल भागात पाणी साचले

आताच निवडणुका पार पडल्या आहेत. ही मतदान ओळखपत्रे बनावट निघाली तर आपल्याला नाहक चौकशीला सामोरे जावे लागेल, या भीतीने कोणीही नागरिक या मतदान ओळखपत्रांच्या पिशवीजवळ गेला नाही. काही नागरिकांनी ही माहिती मानपाडा पोलिसांना दिली. पोलिसांनी रस्त्यावर पडलेली ओळखपत्रे जमा केली. ती पोतडीसह जप्त केली. या पोतडीवरील शिक्क्याच्या अनुषंगाने पोलिसांनी या प्रकरणाचा तपास सुरू केला आहे.

हेही वाचा – डोंबिवली रेल्वे स्थानकात फलाट पाचवर छत नसल्याने प्रवाशांची तारांबळ

कल्याण पूर्व भागातील बहुतांशी रहिवासी हा उत्तर भाषिक आहे. लोकसभा निवडणूक काळात हा वर्ग आपल्या मूळ राज्यात गेला होता. त्यामुळे मतदार असलेल्या या रहिवाशांच्या नावे बनावट मतदार ओळखपत्र तयार करून लोकसभा निवडणुकीत त्याचा वापर केला गेला आहे का, असा संशय जागरूक नागरिक, काही राजकीय मंडळींकडून व्यक्त केला जात आहे. या प्रकरणाची पोलिसांनी सखोल चौकशी करण्याची मागणी पुढे येत आहे.