कल्याण: टिटवाळा येथील बनेली भागातील तीन अल्पवयीन मुले बुधवारी दुपारपासून बेपत्ता झाली आहेत. या तीन मुलांचा कुटुंबीयांनी शोध घेऊनही ती कोठेच आढळुन न आल्याने या मुलांच्या पालकांनी टिटवाळा पोलीस ठाण्यात अपहरणाची तक्रार केली आहे. पोलिसांनी विशेष पथके तयार करुन या अपहृत मुलांचा शोध सुरू केला आहे.
पोलिसांनी सांगितले, बनेली गावातील तीन वेगळ्या घरांमधील मुले खेळण्यासाठी दुपारी घराबाहेर पडली. संध्याकाळ झाली तरी मुले घरी आली नाहीत म्हणून पालकांनी बनेली, टिटवाळा, मांडा भागात मुलांचा शोध घेतला. मुले कोठेच आढळुन आली नाहीत. मुलांचे अज्ञात इसमाने अपहरण केल्याचा संशय व्यक्त करुन मुलांच्या पालकांनी टिटवाळा पोलीस ठाण्यात तक्रार केली. बनेली, मांडा, टिटवाळा भागातील सीसीटीव्ही चित्रण तपासून मुलांचा माग काढण्याचा प्रयत्न पोलीस करत आहेत.
नागपूर: गंगाजमुनात १५ वर्षीय मुलीकडून देहव्यापार
अतिरेक्यांच्या ताब्यातील पाच भीषण वर्षे..
अवयवदानातून वाचले तीन जणांचे जीव
खंडित वीज पुरवठ्यामुळे अंबड वसाहतीत कोट्यवधींचे नुकसान; नाशिकमध्ये उद्योजकांचे ठिय्या आंदोलन
