प्रशासकीय यंत्रणांच्या घोळात वाहनचालकाचा मृत्यू, रस्ता रूंदीकरणात वीजवाहिन्या उंच न केल्याने चालक होरपळला

मुंबई येथील विनोदकुमार सिंग (४७) शुक्रवारी कल्याण – बदलापूर राज्यमार्गावर बुवा पाडा परिसरात कोणार्क बिझनेस पार्कजवळ रस्ता चुकल्याने वळण घेत होते. त्याच वेळी रस्त्यामधील जाणाऱ्या उच्च दाब विद्युत वाहिन्यांची उंची कमी असल्याने त्यांच्या कंटेनर वाहनाला वाहिन्यांचा स्पर्श झाला. यामुळे कंटेनरच्या केबिनमध्ये विद्युत पुरवठा झाल्याने चालक सिंग गाडीतून उतरत असताना विजेचा धक्का लागून जागीच मरण पावले. या अपघातानंतर महावितरण आणि एमएमआरडीए प्रशासनाने एकमेकांवर आरोप प्रत्यारोप सुरू केले आहे. रस्त्याची ऊंची वाढल्याने उपरी वीजवाहिन्या आणि रस्त्यामधील अंतर कमी झाले आहे. उच्चदाब वीजवाहिन्यांची ऊंची वाढवण्याच्या कामबाबत महावितरणने सर्व सोपस्कार पूर्ण करून सातत्याने एमएमआरडीएकडे पाठपुरावा केला.

आणखी वाचा

तो अपघात नव्हे तर हत्या; महामार्गावरील अपघाती मृत्यूचे गूढ उकलले

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Video : तळोजातील अपघातामध्ये एक ठार, महिला अत्यवस्थ

भरधाव मोटार उलटून तरुणीचा मृत्यू; मुंबई-बंगळुरू बाह्यवळण मार्गावर अपघात; सात जण जखमी

Beed Sarpanch Death: सरपंचाच्या मृत्यूमुळं बीड पुन्हा हादरलं; राखेची वाहतूक करणाऱ्या वाहनानं चिरडलं, आमदार सुरेश धसांनी व्यक्त केला संशय

कल्याणमध्ये मद्यधुंद कार चालकाची दहा दुचाकींना धडक, कार चालक अनिल तिवारी पोलिसांच्या ताब्यात

स्वदेशी बनावटीच्या ध्रुव हेलिकाॅप्टर्सचे वारंवार अपघात का होत आहेत?

शिळफाटा रस्त्यावर नवी मुंबई परिवहन सेवेच्या बसला आग, वाहतूक पोलिसांच्या प्रयत्नामुळे २२ प्रवासी सुरक्षित, बस खाक

मात्र फेब्रुवारी २०२० पासून हे काम एमएमआरडीएकडून प्रलंबित आहे, असा खुलासा महावितरण कार्यालयाने प्रसिद्धी पत्रकाद्वारे केला. उपरी वीजवाहिनी स्थलांतरीत करून देण्याचे एमएमआरडीएने मान्य केले होते. त्यानुसार एमएमआरडीएने जानेवारी २०२० मध्ये संस्थेची नियुक्तही केली. मात्र काम पूर्ण न झाल्याने अपघात झाल्याचा अप्रत्यक्ष आरोप महावितरणाने एमएमआरडीएवर केला आहे. तर उपलब्ध निधीमध्ये महावितरणाने दिलेल्या प्राधान्य यादीनुसार आम्ही कामे पूर्ण केल्याचा दावा एमएमआरडीएच्या अधिकाऱ्यांनी केला आहे. या अपघातानंतर महावितरणने शुक्रवारी तातडीने युद्धपातळीवर या वाहिन्यांची उंची वाढवण्याचे काम पूर्ण केले. औद्योगिक आणि नागरी अशा दोन्ही वाहिन्यांवर परिणाम झाल्याने काम करावे लागल्याची माहिती महावितरणाकडून देण्यात आली. मात्र दोन प्रशासकीय यंत्रणांच्या घोळात रखडलेले काम आधीच झाले असते तर एक निष्पाप जीव वाचला असता अशी संतप्त प्रतिक्रिया आता व्यक्त होते आहे.