scorecardresearch

Premium

डोंबिवलीत बेशिस्त वाहन चालकांवर कारवाई,एक लाख ४५ हजाराचा दंड वसूल

सात दिवसाच्या कालावधीनंतर डोंबिवलीत वाहतूक विभाग आणि उपप्रादेशिक परिवहन विभागाच्या अधिकाऱ्यांनी सोमवारी दिवसभर पुन्हा वाहन तपासणी मोहीम राबवली.

Action against reckless drivers in Dombivli
(डोंबिवलीत वाहन चालकांवर कारवाई)

डोंबिवली- सात दिवसाच्या कालावधीनंतर डोंबिवलीत वाहतूक विभाग आणि उपप्रादेशिक परिवहन विभागाच्या अधिकाऱ्यांनी सोमवारी दिवसभर पुन्हा वाहन तपासणी मोहीम राबवली. वाहतूक नियम, मोटार वाहन कायद्यातील नियम न पाळणाऱ्या ६२ बेशिस्त रिक्षा चालक, दुचाकी, मोटार चालकांवर कारवाई करुन पथकाने एक लाख ४५ हजारांचा दंड वसूल केला.

डोंबिवली शहराच्या विविध भागात अनेक रिक्षा चालक, दुचाकी स्वार अन्य वाहन चालक वाहतूक नियमांचे पालन न करता वाहने चालवितात. त्याचा फटका अन्य वाहनांना बसून अपघात होत आहेत. अनेक रिक्षा चालक सुट्टीसाठी गावी गेले आहेत. या रिक्षा चालकांच्या रिक्षा काही शाळकरी मुले भाड्याने चालविण्यास घेऊन प्रवासी वाहतूक करतात. वाहन मालक, चालकांचे हे नियमबाह्य प्रकार निदर्शनास आल्याने सात दिवसांच्या कालावधीनंतर सोमवारी डोंबिवली वाहतूक विभागाचे पोलीस निरीक्षक उमेश गित्ते, उपप्रादेशिक परिवहन विभागाचे अधिकारी यांनी डोंबिवलीतील टिळक चौक, दिनदयाळ चौक, विष्णुनगर मासळी बाजार भागात अचानक रिक्षा, दुचाकी तपासणी मोहीम सुरू केली. यावेळी अनेक रिक्षा चालकांकडे परवाना, अनुज्ञप्ती परवाना नव्हता. काहींकडे वाहन चालविण्याचा परवाना नव्हता. काही रिक्षा चालक गणवेशात नव्हते.

harideep singh nijjar
पार्किंगजवळ अडवली गाडी, झाडल्या ५० गोळ्या; हरदीपसिंग निज्जरच्या हत्येचा थरारक घटनाक्रम वाचा!
Parineeti troll
“ही तर हद्द झाली…,” लग्नाच्या दुसऱ्याच दिवशी परिणीती चोप्रा ट्रोल, अभिनेत्रीबद्दल नाराजी व्यक्त करत नेटकरी म्हणाले…
IND vs AUS: It's not easy to hit the ball where there is no fielder Aussie legend Mark Waugh's big statement on Suryakumar
Suryakumar Yadav: “फिल्डर नसलेल्या ठिकाणी चेंडू मारणे…”, ऑस्ट्रेलियन दिग्गज ‘मार्क वॉ’ चे सूर्यकुमारबाबत मोठे विधान
Pankaja Munde Narendra Modi
“हा तुमचा पक्षाला इशारा आहे का?”, पंकजा मुंडे स्पष्टच म्हणाल्या, “मी त्यांना…”

हेही वाचा >>>कल्याण: पर्यावरणदिनानिमित्त आदिवासी भागात मुलांकडून बिजारोपण

काही दुचाकी स्वार भरधाव वेगाने वाहन चालवून अन्य वाहन चालकांना धोका निर्माण करत होते. काही मोटार चालकांनी सुरक्षित खांदेपट्टा लावला नव्हता. अशा सर्व वाहन चालकांना बाजुला घेऊन पथकाने त्यांच्या नवीन मोटार वाहन कायद्याने दंडात्मक कारवाई केली, असे पोलीस निरीक्षक उमेश गित्ते यांनी सांगितले. एकाचवेळी १० ते १२ वाहतूक अधिकारी पाहून वाहन चालकांची तारांबळ उडत होती. पळून जाणाऱ्या वाहन चालकांना तात्काळ थांबण्याच्या सूचना केल्या जात होत्या. दर आठवड्याला पथकांकडून वाहन चालकांवर कारवाई सुरू झाल्याने पादचाऱ्यांनी समाधान व्यक्त केले आहे.
यामुळे बेशिस्तीने वाहने चालविणाया, भंगार वाहने रस्त्यावर वाहने आणणाऱ्या चालकांना आळा बसणार आहे, असे जागरुक प्रवाशांनी सांगितले.कारवाई सुरू झाल्यानंतर सर्व बेशिस्त वाहन चालक रेल्वे स्थानक, मुख्य रस्त्यांवरुन गायब झाले होते. ही कारवाई यापुढे नियमित सुरू ठेवली जाणार आहे, असे आरटीओ अधिकाऱ्यांनी सांगितले. शाळा सुरू झाल्यानंतर शाळा बसची अशाच पध्दतीने तपासणी केली जाणार आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

First published on: 06-06-2023 at 14:55 IST

संबंधित बातम्या

गणेश उत्सव २०२३ ×