डोंबिवली- दूरचित्रवाणी आणि अनेक नाटकांमधून विनोदी भूमिका साकारणारे ज्येष्ठ रंगकर्मी विजय साळवी यांचे येथे शनिवारी निधन झाले. ते ८४ वर्षांचे होते. त्यांच्या पश्चात पत्नी, दोन मुली, जावई, नातू असा परिवार आहे.
हेही वाचा – कल्याण : ‘खिडकी वडा’चे संस्थापक यशवंत वझे यांचे निधन
विजय साळवी अनेक वर्षे विलेपार्ले येथे वास्तव्याला होते. ते नंतर डोंबिवलीत राहण्यास आले होते. बालनाट्य, दूरचित्रवाणी वाहिन्यांवरील मालिका, ‘मोरूची मावशी,’ ‘भ्रमाचा भोपळा’ या नाटकांमध्ये, ‘चार दिवस सासुचे’ या चित्रपटात, आभाळमाया, चिमणराव या मालिकांमध्ये विजय साळवी यांनी विनोदी भूमिका साकारल्या. ज्येष्ठ अभिनेते आत्माराम भेंडे, विजया मेहता, विनय आपटे यांच्याबरोबर त्यांनी काम केले.
