ठाणे महापालिका क्षेत्रात शौचालये उभारणी करून देण्याच्या बदल्यात मोक्याच्या जागांवर जाहीरात प्रदर्शन हक्क दिल्याचा प्रकल्प यापुर्वीच वादात सापडला असतानाच, त्यापाठोपाठ आता शहरातील प्रमुख रस्त्यावरील ३ हजार ८५१ विद्युत खांबांवर पाच वर्षाच्या कालावधीसाठी जाहीरात प्रदर्शन हक्क देण्याचा निर्णय प्रशासनाने घेतला आहे. या संबंधिची निविदा पालिकेने काढली असून यामुळे आता विद्युत खांबांवरही जाहीराती झळकरणार आहेत. दरम्यान, या प्रकल्पाच्या माध्यमातून पालिकेला वर्षाकाठी अडीच कोटी रुपयांचे उत्पन्न मिळणार असल्याचा दावा पालिका प्रशासनाने केला आहे.

या बातमीसह सर्व प्रीमियम कंटेंट वाचण्यासाठी साइन-इन करा

स्वच्छ भारत अभियानाचा भाग म्हणून ठाणे महापालिकेने शहरात खासगी लोकसहभागातून शौचालये उभारणीचा निर्णय घेतला होता. संबंधित ठेकेदाराला जाहीरात हक्क देऊन त्याच्याकडून शौचालयांची बांधकामे करून घेतली जाणार होती. या योजनेत दोन ठेकेदारांची नियुक्ती करण्यात आली होती. एकूण ३० शौचालयांची उभारणी केली जाणार होती. घोडबंदर भागातील मुंबई-अहमदाबाद महामार्ग, बाळकुम, ठाणे शहर, कॅडबरी चौक, कळवा आणि मुंब्रा या भागांमध्ये ही शौचालये उभारणीचे नियोजन होते. या शौचालये उभारणीची कामे पुर्ण झालेली नसतानाही ठेकेदाराने जाहीरात फलक उभारून व्यवसाय सुरु केल्याचा प्रकार सुरुवातीला उघडकीस आला होता. प्रत्यक्षात ३० पैकी ११ शौचालयांची कामे पुर्ण झालेली असून त्यातही अनेक शौचालये बंदावस्थेत आहेत. त्यामुळे ही योजना वादग्रस्त ठरली असतानाच पालिका प्रशासनाने आता नवीन योजना पुढे आणली आहे.

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Advertisements will now be displayed on electricity poles in thane city amy
First published on: 12-08-2022 at 16:09 IST