आमदार जितेंद्र आव्हाड नेहमी सोयीचा इतिहास सांगतात, अजित पवार गटाचे ठाणे जिल्हाध्यक्ष आनंद परांजपे यांची टीका

नागालँड येथील विधानसभा निवडणुकीत ‘नॅशनलिस्ट डेमोक्रॅटिक प्रोग्रेसिव्ह पार्टी’ (एनडीपीपी) आणि भाजपा युतीचे ३७ आमदार निवडून आले होते. त्यामुळे एनडीपीपीचे नेते नेफ्यू रियो मुख्यमंत्री झाले. याच निवडणुकीत राष्ट्रवादीचे सात आमदार निवडून आले होते. त्यांनी रियो यांना समर्थन दिले होते. राष्ट्रवादीमध्ये फूट पडल्यानंतर या सर्व आमदारांनी उपमुख्यमंत्री अजित पवार यांना समर्थन दिले आहे. जर आमदारांचे समर्थन होते, तर शपथपत्र का घेतले नाही, असा मुद्दा उपस्थित करत आव्हाड यांनी आमदारांच्या भूमिकेला विरोध केला आहे.

आणखी वाचा

“शरद पवार शीर्षस्थानी होते, तेव्हा अजित पवारांना असुरक्षित वाटत होतं, कारण…”; बावनकुळेंचं मोठं वक्तव्य

“सर्वप्रथम तुम्ही रुग्णालयात जा,” उपमुख्यमंत्री फडणवीस यांचा रवींद्र टोंगे यांना प्रेमाचा सल्ला, म्हणाले…

“…हा मृत्यू अटळ आहे”, राहुल नार्वेकरांचा उल्लेख करत ठाकरे गटाची टीका

VIDEO: “नार्वेकरांना कुणी काय मार्गदर्शन केलं याची…”, अंबादास दानवेंचा हल्लाबोल, म्हणाले…

हेही वाचा – कसारा-सीएसएमटी रेल्वे वाहतूक सुरळीत, मालगाडीच्या इंजिन दुरुस्तीचे काम पूर्ण

हेही वाचा – ठाण्यातील वैद्यकीय महाविद्यालयातील संशोधनाची राष्ट्रीय पातळीवर निवड, शर्विन कार्व्हालो विद्यार्थ्यास संशोधनासाठी पाठ्यवृत्ती

या मुद्द्यावरून राष्ट्रवादी काँग्रेसचे अजित पवार गटाचे ठाणे जिल्हाध्यक्ष तथा प्रवक्ते आनंद परांजपे यांनी मंगळवारी पत्रकार परिषद घतेली. आव्हाड हे नेहमी अर्धवट माहिती देतात. तसेच त्यांच्या सोयीचा इतिहास सांगत असतात, असा आरोप परांजपे यांनी केला. तसेच निवडणुकांपूर्वी एनडीपीपी आणि भाजपाची युती होती. दोन्ही पक्षांचे ३७ आमदार होते. ही संख्या सत्ता स्थापन करण्यासाठी पुरेशी होती. तरीही ८ मार्चला राष्ट्रवादीच्या आमदारांनी तेथील नागालँडचे मुख्यमंत्री रियो यांना पाठिंबा दिला होता. आव्हाड यांनी टीका करताना वस्तुनिष्ठ आणि खरा इतिहास सांगावा असे परांजपे म्हणाले.