गेल्या आठवड्यात अंबरनाथ पश्चिमेतील जावसई येथील तलावात एका २० वर्षीत तरूणाची हत्या करून मृतदेह बांधून फेकण्यात आला होता. मृताची ओळख पटली असली तरी आरोपींची माहिती नव्हती. अखेर अंबरनाथ पोलिसांनी या हत्येची उकल केली असून कानशिलात लगावत धमकी दिल्याने ही हत्या झाल्याचा खुलासा अंबरनाथ पोलिसांनी केला आहे. प्रकरणी दोघांना अटक करण्यात आली असून यात अल्पवयीन मुलाचाही समावेश आहे. यात आणखी तीन आरोपींचा पोलीस शोध घेत आहेत.

या बातमीसह सर्व प्रीमियम कंटेंट वाचण्यासाठी साइन-इन करा

उल्हासनगरच्या हनुमाननगर परिसरात राहणाऱ्या विशाल राजभर या २० वर्षीय तरूणाचा मृतदेह ५ ऑगस्ट रोजी अंबरनाथ पश्चिमेतील जावसई येथील तलावात आढळून आला होता. या तरूणाची हत्या करत त्याचा मृतदेह गोणीच्या कापडात बांधून मृतदेहाला दोन्ही -बाजूंना दगड बांधत तो तलावात फेकण्यात आला होता. पुरावा नष्ट करण्याच्या हेतून आरोपींनी हे केले होते. विशाल दोन दिवसांपासून घरी आला नसल्याची तक्रार आणि त्याचा मृतदेह साडपण्याची वेळ एकच झाली. कुटुंबियांनी मृताची ओळख पटवली होती. मात्र आरोपींचा शोध घेण्याचे पोलिसांसमोर आव्हान होते. मात्र मृताच्या परिसरात चौकशी केल्यानंतर पोलिसांना आरोपीचा सुगावा लागला.

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Ambernath killed a young man for beating him both were arrested msr
First published on: 11-08-2022 at 12:13 IST