अंबरनाथमध्ये नगर पालिका पुरस्कृत रस्ते अडवणूक मॅरेथॉनसाठी भर चौकात मांडव, महत्वाच्या रस्त्यांवर कमानी, नागरिकांचा संताप

वर्षा मॅरेथॉन स्पर्धेच्या आयोजनासाठी पालिकेने उभारलेल्या या स्वागत कमानी अत्यंत निष्काळजीपणे आणि धोकादायक स्थितीत उभारल्या आहेत. हुतात्मा चौकातील मंडप व्यवस्थेमुळे या मार्गावरून जाणाऱ्या वाहनांना मोठा अडथळा निर्माण होत असून, येथे वाहनांची कोंडी होत आहे. पूर्वेतील रेल्वे स्थानकाकडून हुतात्मा चौकात जाण्यासाठीचा रस्ता आधीच चढणीचा आहे. त्यात ऐन वळण घेण्याच्या ठिकाणी मांडवाचे खांब टाकण्यात आले आहेत. त्यामुळे येथून वाहने वळवताना वाहनचालकांना कसरत करावी लागते आहे. तसेच येथून एक मार्ग कानसई भागातही जातो. त्याचाा मोठा भाग व्यापला गेला आहे. शेजारीच स्वामी समर्थ चौकाकडे जाणाऱ्या रस्त्यावरही अशाच प्रकारे कमानी लावण्यात आल्या आहेत. आधीच वळणाच्या या रस्त्यावर कोंडी होत असते. पुढे शहरातील एकमेव बाह्यवळण रस्त्यावरही लोकनगरी स्मशानभूमीच्या अगदी समोर लोखंडी कमान उभारणयात आली आहे. या बाह्यवळण रस्त्यावरून वाहनाचा वेग मोठा असतो. आनंदनगर किंवा शिवाजीनगर भागातून शिवमंदिर, रेल्वे स्थानक, स्वामी समर्थ चौकाकडे जाताना येथे लावण्यात आलेली कमान अपघाताला आमंत्रण देणारी ठरू शकते. विशेष म्हणजे या भागात यापूर्वीच अनेक अपघात झाले आहेत. या मार्गावर कमान बसवून पालिका स्वतःच अपघाताला आमंत्रण देत असल्यााचा आरोप होतो आहे. याबाबत पालिकेचे मुख्याधिकारी यांच्याशी संपर्क केला असता तो होऊ शकला नाही. राजकीय पुढारी आणि मंडळांनाही कमानी काढण्याचा विसरसार्वजनिक गणेशोत्सवाची सांगता होऊन जवळपास आठवडा उलटूला आहे. मात्र, तरीही अंबरनाथमधील स्थानक परिसर आणि विस्तारित भागातील अनेक वर्दळीच्या रस्त्यांवर गणेशोत्सवाचे मंडप आणि राजकीय पुढाऱ्यांच्या स्वागत कमानी तशाच उभ्या आहेत. सण संपल्यानंतर या कमानी तातडीने काढण्याचा विसर राजकीय नेते आणि सार्वजनिक मंडळांना पडला आहे.

शहरातील रस्ते आधीच अनधिकृत फेरीवाल्यांनी गिळंकृत केल्याने अरुंद झाले आहेत. त्यात या कमानी आणि मंडपांमुळे महिनाभरापासून नागरिकांना भीषण कोंडीचा सामना करावा लागत आहे.