ठाणे : मनसे अध्यक्ष राज ठाकरे यांच्यापाठोपाठ बाळासाहेबांची शिवसेनेचे आमदार प्रताप सरनाईक यांनी अंधेरी पूर्व विधानसभा पोटनिवडणूक बिनविरोध करण्याचा सूर लावला असून या संबंधीच्या मागणीचे पत्र त्यांनी मुख्यमंत्री एकनाथ शिंदे यांना दिल्याने राजकीय वर्तुळात खळबळ उडाली आहे. आपल्या युतीत हि जागा भारतीय जनता पक्षाला गेली आहे, परंतु राज्याचे प्रमुख या नात्याने आपण भाजपच्या वरिष्ठ नेत्यांशी चर्चा करून हि निवडणूक बिनविरोध करण्याच्या दृष्टीने प्रयत्न करावेत. जेणेकरून आपल्या महाराष्ट्रच्या राजकीय संस्कृतीचे जतन तर होईलच, पण त्याच सोबत दिवंगत आमदार रमेश लटके यांना देखील एक वेगळ्या पद्धतीने श्रद्धांजली ठरेल, असे मत सरनाईक यांनी पत्रात व्यक्त केले आहे.

हेही वाचा >>> ठाणे : बंजारा भवन, पोहरादेवी विकास आणि सेवालाल महाराज जयंतीच्या दिवशी सुट्टी ; मुख्यमंत्री एकनाथ शिंदे यांची घोषणा

ganesh naik waiting for about two and a half hours to meet minister uday samant
गणेश नाईक अडीच तास ताटकळत; मुख्यमंत्र्यांच्या खात्यावर गंभीर आरोपांनंतर सामंतांशी चर्चेसाठी प्रतीक्षा
Nobody will be spared in run and hit case says Chief Minister Eknath Shinde
“रन अँड हिट प्रकरणात कोणालाही पाठीशी घेतली जाणार नाही…” मुख्यमंत्री एकनाथ शिंदे
rahul gandhi letter to yogi adityanath
हाथरस दुर्घटनेप्रकरणी राहुल गांधींचं योगी आदित्यनाथ यांना पत्र; म्हणाले, “उत्तर प्रदेश सरकारने…”
supriya shrinate replied to jagdeep dhankhar
“मर्यादा विरोधकांनी नाही, तर मोदींनी सोडली”, जगदीप धनखड यांच्या ‘त्या’ विधानाला सुप्रिया श्रीनेत यांचे प्रत्युत्तर!
Maodi ambedkar
“पंडित नेहरूंनी बाबासाहेब आंबेडकरांची राजकीय कारकीर्द संपवण्यासाठी…”, पंतप्रधान मोदींचे काँग्रेसवर आरोप
Uddhav Thackeray opinion that besides the Ladki Bahin scheme announce the scheme for the brothers too
‘लाडकी बहीण’बरोबरच भावांसाठीही योजना जाहीर करा; उद्धव ठाकरे यांचा मुख्यमंत्र्यांना चिमटा
Six months ago I told Ajit Pawar that I will not take up the post of guardian minister of Gondia says Dharmaraobaba Atram
पालकमंत्री पद झेपणार नाही, हे अजित पवारांना आधीच…
Uddhav Thackeray statement that he won in the people court now expect from the goddess of justice
जनतेच्या न्यायालयात जिंकलो, आता न्यायदेवतेकडून अपेक्षा; वर्धापनदिनी उद्धव ठाकरे यांचे वक्तव्य

दिवंगत आमदार रमेश लटके यांच्या निधनाने अंधेरी (पूर्व) भागात विधानसभेची पोटनिवडणूक होऊ घातली आहे. तिथे त्यांच्या पत्नी ऋतुजा लटके यांनी उमेदवारी अर्ज दाखल केला आहे. या पोटनिवडणुकीत भारतीय जनता पार्टी आणि आपल्या युतीचे उमेदवार त्यांच्या विरुद्ध निवडणूक लढवत आहेत. रमेश लटके जेव्हा आपल्या कुटुंबियांच्या समवेत दुबईमध्ये गेले होते, तेव्हा माझे मित्र व उद्योगपती राज शेट्टी यांच्याच हॉटेलमध्ये ते थांबले होते. तिथे त्यांना हृदयविकाराचा झटका आला. हे कळताच राज शेट्टी यांनी तेथे धाव घेतली आणि ताबडतोब त्यांना वैद्यकीय मदत केली. परंतु त्या पूर्वीच त्यांचे निधन झालेले. राज शेट्टी यांनी सर्वप्रथम दुबई येथून फोन करून हि घटना मला सांगितली. तेव्हा अक्षरशः धक्का बसला, काही सुचेना झाले. मी ताबडतोब आमदार सुनील राऊत व तत्कालीन परिवहन मंत्री अनिल परब यांना हि घटना फोन करून कळवली. त्यानंतर राज शेट्टी यांनी दुबई सरकारचे अत्यंत खडतर असे सर्व कायदेशीर सोपस्कार पूर्ण करून लवकरात लवकर मृतदेह विमानाने मुंबईत पोहचवण्यासाठी सर्वतोपरी मदत केली. आजही तो प्रसंग आठवला तर मनाला वेदना होतात, असे सरनाईक यांनी पत्रात म्हटले आहे.

हेही वाचा >>> पोलिसांच्या तावडीतून सुटका करण्यासाठी चोरट्याचे बेशुध्दीचे ढोंग ; कल्याणमधील रहेजा संकुलातील प्रकार

रमेश लटके हे माझे अत्यंत जवळचे मित्र होते. विधानसभेत काम करत असताना मी, सुनील राऊत आणि रमेश लटके आम्ही तिघे अनेक महत्वाच्या विषयांवर एकत्रित बसून सल्ला मसल्लत करायचो. रमेश लटके नेहमी त्यांच्या मतदारसंघातील प्रश्न मार्गी लावण्यासाठी विधानसभेत आवाज उठवायचे, लोकांच्या प्रति काम करण्याची त्यांची तळमळ मी जवळून पाहिली आहे. शाखाप्रमुख पासून नगरसेवक आणि आमदार असा अत्यंत खडतर प्रवास त्यांनी केला होता. मला आजही आठवते कि, मृत्यूपूर्वी काही दिवस अगोदर लटकनी अंधेरी भागात खूप मोठा कार्यक्रम आयोजित केला होता आणि त्याला प्रमुख पाहुणे म्हणून आपण उपस्थित होतात. मी देखील त्या कार्यक्रमास आपल्या समवेत उपस्थित होतो, अशा जुन्या आठवणींना त्यांनी उजाळला दिला आहे. महाराष्ट्राची एक विशेष अशी अलिखित राजकीय संस्कृती आहे. जेव्हा एखादा लोकप्रतिनिधी मृत्युमुखी पडतो, तेव्हा आपण त्यांच्या कुटुंबियांना बिनविरोध निवडून देण्याचा एक पायंडा आहे. हि निवडणूक बिनविरोध होण्याच्या दृष्टीने मनसे अध्यक्ष राज ठाकरे यांनी देखील पत्राद्वारे त्यांचे मत मांडले आहे. राष्ट्रवादी काँग्रेससह अनेक पक्षांनी हिच भूमिका घेतली आहे. आपल्या युतीत हि जागा भारतीय जनता पक्षाला गेली आहे, परंतु राज्याचे प्रमुख या नात्याने आपण भाजपच्या वरिष्ठ नेत्यांशी चर्चा करून हि निवडणूक बिनविरोध करण्याच्या दृष्टीने प्रयत्न करावेत. जेणेकरून आपल्या महाराष्ट्रच्या राजकीय संस्कृतीचे जतन तर होईलच, पण त्याच सोबत दिवंगत आमदार रमेश लटके यांना देखील एक वेगळ्या पद्धतीने श्रद्धांजली ठरेल, असे मत सरनाईक यांनी पत्रात व्यक्त केले आहे.