ठाणे : लोकसेवा आयोगामार्फत घेण्यात येणाऱ्या वैज्ञानिक पदाच्या परीक्षेत उज्वल यश संपादन करणाऱ्या शहापुरातील डॉ. भाविका मोरेश्वर उमवणे या तरुणीची “भारतीय आयुर्विज्ञान अनुसंधान परिषदेत (आयसीएमआर) या संस्थेत साहाय्यक वैज्ञानिक पदासाठी निवड झाली आहे. सर्वसामान्य कुटूंबातील भविकाच्या या उत्तुंग यशाबद्दल ठाणे जिल्ह्यातून तिच्यावर कौतुकाचा वर्षाव केला जात आहे.

शहापूर पासून ३५ किलोमीटर अंतरावरील साखरपाडा या गावात डॉ. भाविका उमवणे ही राहते. तिचे दहावी पर्यंतचे शिक्षण अर्चना इंग्रजी शाळेत झाले. त्यानंतर तिचे ११ वी आणि बारावीचे शिक्षण खाडे महाविद्यालयात झाले. वडिल मोरेश्वर हे जिल्हा परिषदेच्या शहापूर येथील प्राथमिक शाळेत शिक्षक म्हणून काम करतात. त्यामुळे सुरूवातीपासूनच स्पर्धा परिक्षेचा सराव भाविकाने सुरू केला होता. नीटची परिक्षा दिल्यानंतर २०१९ मध्ये भाविकाने तिचे पदवीचे शिक्षण नगरमधील एका महाविद्यालयात पूर्ण केले. तर २०२० मध्ये लोकसेवा आयोगाच्या वैज्ञानिक पदाची परीक्षा दिली होती. यामध्ये द्वितीय क्रमांकाने उत्तीर्ण झाली. अत्यंत दुर्गम भागातून शिक्षण पूर्ण केल्यामुळे तिचे संपूर्ण शहापूरमध्ये कौतुक केले जात आहे. आता तिची आता आयुर्विज्ञान अनुसंधान परिषदेच्या ओरिसा राज्यातील भुवनेश्वर येथील संस्थेत साहाय्यक वैज्ञानिक म्हणून निवड झाली आहे. यापूर्वीही भविकाची अमेरिका व जपान येथे संशोधनासाठी निवड झाली होती. मात्र, आर्थिक परिस्थितीमुळे विदेशात जाणे शक्य झाले नसल्याचे भाविकाचे वडील मोरेश्वर उमवणे यांनी सांगितले.

Indian Man who earns Rs 5 crore daily his parents wanted him to pursue PhD Google CEO Sundar Pichai Daily Salary Morning Habits
भारतीय तरुणाला दिवसाचा पगार ५ कोटी, नावाचा जगभर डंका; आई वडिलांची इच्छा होती PhD करावी पण त्यानं..
baramati mp supriya sule talk regarding anonymous letter on social media
निनावी पत्राबाबत माहिती नाही! सुप्रिया सुळे यांचे स्पष्टीकरण
Jayant Patil on Ajit pawar letter
‘सत्तेमध्ये असल्याशिवाय विकास होत नाही’, अजित पवारांचं म्हणणं खरं; जयंत पाटील पुढे म्हणाले…
Women Health
स्त्री आरोग्य : लग्नानंतर लगेच मूल होत नाहीए?

भाविकाच्या आईला फेब्रुवारी महिन्यात कर्करोग झाले होती. आई कर्करोगाने ग्रस्त असतानाही तिने मुलाखत दिली आणि तिची साहाय्यक वैज्ञानिक म्हणून निवड झाल्याची माहिती मोरेश्वर उमवणे यांनी दिली.