राज्याचे विरोधी पक्षनेते अजित पवार यांनी धर्मवीर छत्रपती संभाजी महाराजांविरोधात केलेल्या वक्तव्याच्या निषेधार्थ ठाण्यातील भाजपच्या पदाधिकाऱ्यांसह कार्यकर्त्यांनी सोमवारी आंदोलन केले. यापुढील काळातही ठाण्याच्या विविध भागात आंदोलने करण्याचा इशारा भाजपाच्या पदाधिकाऱ्यांनी यावेळी दिला आहे.

हेही वाचा >>> नितेश राणेंकडून अजित पवारांचा ‘धरणवीर’ म्हणून उल्लेख; संभाजी महाराजांवरील विधानानंतर म्हणाले; “थोडीजरी लाज…”

शेतकरी आंदोलनाचे नेतृत्व करणाऱ्या नेत्यांंच्या जमिनींचा शोध, सरकारकडून दबाव टाकण्याचा प्रयत्न – जे. पी. गावित यांचा आरोप
devendra fadnavis manoj jarange patil
‘ब्राह्मणी कावा’, ‘विष देण्याचा प्रयत्न’, जरांगेंच्या आरोपांना फडणवीसांचं उत्तर; शरद पवारांचा उल्लेख करत म्हणाले…
Case against Sudhakar Badgujar
सुधाकर बडगुजर यांच्याविरोधात गुन्हा, सलीम कुत्ता पार्टी प्रकरण
The High Court reprimanded the government to be sensitive to the demand for the house of the eyewitnesses of the 26 11 attacks Mumbai news
२६/११ हल्ल्यातील प्रत्यक्षदर्शीच्या घराच्या मागणीबाबत संवेदनशीलता दाखवा; उच्च न्यायालयाने सरकारला फटकारले

विधानसभेतील विरोधी पक्षनेते अजित पवार यांनी छत्रपती संभाजी महाराज हे धर्मवीर नाहीत, असे वक्तव्य केले होते. त्याचा समाजाच्या सर्व स्तरांतून निषेध आणि संताप व्यक्त होत आहे. या पार्श्वभूमीवर भाजपाचे जिल्हाध्यक्ष निरंजन डावखरे आणि आमदार संजय केळकर यांच्या नेतृत्वाखाली कार्यकर्त्यांनी आंदोलन करत अजित पवार यांचा तीव्र निषेध केला. यावेळी कार्यकर्त्यांनी अजित पवार यांच्या निषेधाच्या घोषणा दिल्या. छत्रपती संभाजी महाराजांनी नरकयातना भोगूनही धर्मांतर केले नव्हते. त्यांनी हिंदू धर्माच्या रक्षणासाठी कार्य केले होते. त्यामुळे अजित पवार यांचे वक्तव्य निंदनीय आहे, असे आमदार निरंजन डावखरे यांनी सांगितले. तर `दुसऱ्या सांगे ब्रह्मज्ञान, स्वत: कोरडे पाषाण’ असा टोला लगावत आमदार संजय केळकर यांनी अजित पवारांचा तीव्र निषेध केला. या आंदोलनात भाजपाचे प्रदेश सचिव संदिप लेले, शहर सरचिटणीस कैलास म्हात्रे, मनोहर सुगदरे, महिला मोर्चाच्या मृणाल पेंडसे यांच्यासह माजी नगरसेवक-नगरसेविका सहभागी झाल्या होत्या.