महापालिकेच्या कळवा येथील छत्रपती शिवाजी महाराज रुग्णालयात गेल्या दोन वर्षांपासून परिचारीकांची संख्या कमी असून यामुळे इतर परिचारिकांवर कामाचा ताण वाढत आहे. या पार्श्वभूमीवर परिचारीकांनी रुग्णालयाच्या आवारातच आंदोलन करत पारिचारिकांच्या भरतीसंबंधीचा प्रस्ताव तातडीने मंजुर करण्याची मागणी केली. सध्या या रुग्णालयामध्ये ९० परिचारीका काम करतात.

सकाळच्या शिफ्टच्या परिचारिकांमार्फत रुग्णालयात काम सुरु असून दुपारच्या शिफ्टमधील परिचारिकांमार्फत हे आंदोलन करण्यात आले. यामुळे रुग्णालयातील काम बंद केलेले नसल्याचे परिचारीकांनी स्पष्ट केले. दरम्यान हा प्रस्ताव अंतिम टप्प्यात असून तो लवकरच मंजुर होईल असे रुग्णालयाचे अधिष्ठता डाॅ. भीमराव जाधव यांनी दिली.

treatment in private hospitals
गरीब रुग्णांना खासगी, धर्मदाय रुग्णालयात उपचार मिळणार, राज्यस्तरीय विशेष मदत कक्ष कार्यान्वित
woman gave birth in an ambulance
नंदुरबार : एका आरोग्य केंद्रातून दुसऱ्या केंद्रात पाठवणी, बंद रुग्णवाहिकेतच प्रसुती, अन…
Rat tail in student food akola
अकोला : विद्यार्थ्यांच्या पोषण आहारात उंदराचे शेपूट! दहा विद्यार्थ्यांना विषबाधा
Devotees demand through a march in Kolhapur
बाळूमामा देवस्थानातील गैरव्यवहाराची सीआयडीकरवी करा; कोल्हापुरात मोर्चाद्वारे भक्तांची मागणी

या आंदोलंनामध्ये रुग्णालयातील परिचारिका आणि आरोग्य कर्मचाऱ्यांनी सहभाग घेतला आहे. रुग्णालयात परिचारिका आणि कर्मचाऱ्यांचा तुटवडा भासत असल्याने संपूर्ण भार हा तेथील कार्यरत असलेल्या परिचारिकांवर पडत असल्याचा दावा कर्मचारी वर्गाने केलाय.

करोना काळात देखील या परिचारिकांनी कार्यकाळ सांभाळला असून या कालावधीमध्ये अनेक परिचारिका या आजारी पडल्या, बऱ्याच परिचारिकांनी व्हीआरएस घेतली आहे, असंही परिचारिकांनी सांगितलंय.