डोंबिवली : डोंबिवली रेल्वे स्थानकातील स्कायवाॅकवर रेल्वे प्रशासनाच्या परवानगीने काही जाहिरात एजन्सीने आपल्या जाहिरतीचे फलक लावले आहेत. या जाहिरात फलकांमुळे दूरवरून लोकल धावण्याचे दर्शक (इंडिकेटर) दिसत नसल्याने प्रवाशांमध्ये नाराजी व्यक्त केली जात आहे.

यापूर्वी डोंबिवली पश्चिमेतून प्रवासी रेल्वे स्थानकातील स्कायवाॅकवर आला की या प्रवाशाला फलाट क्रमांक एक ते पाच क्रमांकावरून कोणत्या लोकल धावत आहेत याची माहिती इंडिकेटरच्या माध्यमातून एका पाहणीत, नजरेत मिळत होती. डोंबिवली पूर्व भागातून स्कायवाॅकवर प्रवासी आला की त्याला फलाट क्रमांंक पाच ते एकवरून कोणत्या लोकल कोणत्या वेळेत धावत आहेत याची माहिती इंडिकेटरच्या माध्यमातून एका नजरेत मिळत होती. त्याप्रमाणे प्रवासी कोणत्या फलाटावर लोकल पकडण्यासाठी उतरायचे याचा निर्णय घेत होते.

Tula Shikvin Changlach Dhada
अधिपती भुवनेश्वरीला वचन देणार तर दुसरीकडे त्याच्याविरूद्ध पोलीस ठाण्यात तक्रार दाखल होणार; मालिकेत पुढे काय घडणार?
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
beed politics Devendra Fadnavis Suresh Dhas pankaja munde dhananjay munde
माध्यमांमध्ये ‘ आवाज’ बनलेल्या सुरेश धस यांच्या पाठिशी देवेंद्र फडणवीस
Anjali Damanias allegations against Minister Dhananjay Munde are part of BJPs conspiracy says anil deshmukh
दमानियांचे मुंडेवरील आरोप, अनिल देशमुखांना वेगळीच शंका
congress leader vijay wadettiwar reacts on criminal in santosh deshmukh murder case
“संतोष देशमुख प्रकरणात आरोपींना पाठीशी घालणारे नालायक…”, वडेट्टीवार यांची टीका
Mumbai gangster D K Rao,
गँगस्टर छोटा राजनच्या खास हस्तकाचे आर्थिक व्यवहार तपासणार; आवाजाचे नमुनेही पडताळणार
Loksatta explained What are the consequences of the privatization of electricity substations in the state
विश्लेषण: राज्यातील विद्युत उपकेंद्रांच्या खासगीकरणाचे परिणाम काय?
number of Guillain Barre Syndrome GBS patients in state has reached 101 of which 16 patients are on ventilators
‘जीबीएस’ग्रस्त गावांना शुद्ध पाणी कठीणच? वाढीव कोटा मंजूर नसल्याने प्रश्न; महापालिका-जलसंपदा विभागात वाद

हे ही वाचा… कल्याणमध्ये बैलबाजारात प्रतिबंधित औषधांसह दोन जण अटकेत

गेल्या काही दिवसांपासून डोंबिवली रेल्वे स्थानकातील स्कायवाॅकवर रेल्वे प्रशासनाने काही जाहिरात एजन्सींना लहान जाहिरात फलक लावण्यास परवानगी दिली आहे. हे फलक स्कायवाॅकवरील छताच्या भागात एका पाठोपाठ लावण्यात आले आहेत. या जाहिरात फलकांमुळे यापूर्वी पूर्व, पश्चिम भागातून स्कायवाॅकवर आलेला प्रत्येक प्रवासी दूरवरून दोन्ही बाजुची दर्शक (इंडिकेटर ) पाहू शकत होता. आता प्रवाशांंना स्कायवाॅकवरील जाहिरात फलकांमुळे दूरवरून दर्शक दिसत नसल्याने प्रवाशांना वेगळ्या बाजुला होऊन, वाकून इंडिकेटर पाहावी लागतात, अशा प्रवाशांच्या तक्रारी आहेत.

महसुली उत्पन्नाचा भाग म्हणून मध्य रेल्वे प्रशासनाने जाहिरात एजन्सींना जरूर रेल्वे स्थानक, स्कायवाॅकवर फलक लावण्यास परवानगी द्यावी. परंतु, प्रवाशांची गैरसोय होणार नाही यादृष्टीने रेल्वे प्रशासनाने काळजी घ्यावी. तशा सूचना जाहिरात एजन्सींना कराव्यात, अशी मागणी प्रवाशांकडून केली जात आहे.

हे ही वाचा… ठाणे पुर्व सॅटीसवरील व्यापारी संकुल दिड वर्षात खुले होणार; व्यापारी संकुलातील आठ मजले रेल्वे देणार भाड्याने

महसुली उत्पन्नाचा भाग म्हणून रेल्वेने जाहिरात एजन्सीना परवानगी दिली असेल. प्रवाशांची गैरसोय होईल अशा पध्दतीने ते फलक लावण्यास रेल्वेने जाहिरात एजन्सीना परवानगी देऊ नये. आता डोंबिवली रेल्वे स्थानकात लावण्यात आलेले फलक लांबून इंडिकेटर दिसत नाहीत अशा पध्दतीने लावले आहेत. त्याचा विचार रेल्वेने करावा. प्रवाशांची होणारी ही गैरसोय विचारात घेऊन आपण मध्य रेल्वेच्या विभागीय व्यवस्थापकांना याविषयी कळविणार आहोत. – लता अरगडे, अध्यक्षा, उपनगरी रेल्वे प्रवासी महासंघ.

रेल्वे प्रवाशांची गैरसोय होईल अशा पध्दतीने रेल्वे स्थानकात, स्कायवाॅकवर फलक लावण्यास रेल्वे प्रशासन कधीही परवानगी देत नाही. डोंबिवली रेल्वे स्थानकात असा प्रकार घडला असेल तर त्याची तात्काळ दखल घेतली जाईल. – डाॅ. स्वप्निल नीला, मुख्य जनसंपर्क अधिकारी, मध्य रेल्वे.

Story img Loader