डोंबिवलीच्या डाॅ. अमृता वेलणकर यांचे थायलंडमध्ये ‘कॉस्मेटोलॉजी’वर सादरीकरण

थायलंड येथील या आंतरराष्ट्रीय परिषदेला विविध देशांमधील कॉस्मेटोलॉजी, एस्थेटिक मेडिसिन आणि रिजनरेटिव्ह मेडिसिन क्षेत्रातील तज्ज्ञ उपस्थित होते. या क्षेत्रातील तज्ज्ञ मार्गदर्शक, संशोधक या परिषदेत सहभागी झाले होते.

आयुर्वेदातील सौंदर्यविषयक संकल्पना, केस व टाळूचे आरोग्य, तसेच आधुनिक कॉस्मेटोलॉजीशी आयुर्वेदाचा समन्वय याविषयावर डाॅ. अमृता कामतेकर-वेलणकर यांनी परिषदेला मार्गदर्शन केले. आयुर्वेदिक सौंदर्यशास्त्राची शास्त्रीय आणि आधुनिक मांडणी यांची सांगड आणि त्याविषयीचे सादरीकरण डाॅ. अमृता कामतेकर यांनी केले.

आयुर्वेदिक कॉस्मेटोलॉजी व ट्रायकॉलॉजी विषयाला आंतरराष्ट्रीय व्यासपीठावर प्रभावीपणे मांडण्याचा हा दिर्घायु पंचकर्म आणि काॅस्मेटिक क्लीनिकसाठी, तसेच डॉ. अमृता कामतेकर-वेलणकर यांच्या व्यावसायिक प्रवासातील महत्त्वपूर्ण टप्पा ठरला. जगाच्या व्यासपीठावर हा महत्वपूर्व विषय पोहचविण्याची आपणास या आंतरराष्ट्रीय परिषदेच्या माध्यमातून महत्वपूर्ण संधी मिळाली याबद्दल डाॅ. अमृता यांनी समाधान व्यक्त केले. डाॅ. अमृता कामतेकर-वेलणकर या दीर्घाष्यु क्लीनिकच्या संस्थापिका आहेत. दिर्घाष्यु क्लीनिकच्या माध्यमातून त्या विविध उपक्रम नियमित राबवित असतात.याशिवाय भारतामधून या आंतरराष्ट्रीय परिषदेत सिग्मा इंटरनॅशनल बोर्डाच्या जागतिक अध्यक्षा डाॅ. विद्युलता नाईक सहभागी झाल्या होत्या.