कल्याण-शिळफाटा रस्त्यावर अनेक ठिकाणी ढाबा, हॉटेल, पेट्रोल पंप चालक, वाहन दुरुस्ती दुकान मालकांनी आपल्या सोयीसाठी रस्ता दुभाजक तोडून किंवा बाजुला करुन ठेवले आहेत. यामुळे वाहन चालक मनमानेल तेव्हा तोडलेल्या दुभाजकांमधून घुसून दोन्ही मार्गिकांच्या मध्ये आडवा घुसून वाहन कोंडीला सुरूवात करतो. एकल मार्गिका वाहन कोंडीने बंद झाली की दुसऱ्या मार्गिकेतील सर्व प्रकारचे वाहन चालक वाहतूक पोलिसांना न जुमानत मार्गिकेचे उल्लंघन करुन वाहने चालवितात. हे शिळफाटा रस्त्यावरील वाहतूक कोंडीचे सर्वात महत्वाचे कारण आहे, अशी माहिती या रस्त्यावरुन नियमित येजा करणाऱ्या प्रवाशांनी दिली.

या बातमीसह सर्व प्रीमियम कंटेंट वाचण्यासाठी साइन-इन करा

दुभाजक करण्याचे साचे –

शिळफाटा रस्त्याच्या मध्यभागी रस्ता दुभाजक तयार करण्याचे काम काटई परिसरातील वैभवनगरी भागात सुरू आहे. यापूर्वी तयार रस्ता दुभाजक रात्रीच्या वेळेत आणून बसवून दिवसा हे दुभाजक रस्त्याच्या मध्यभागी जोडून ते काँक्रीटने जोडण्याचे काम कामगार करत होते. आता हे रस्ता दुभाजक तयार करण्याचे काम रस्त्याच्या मध्यभागी साच्याच्या माध्यमातून केले जाते. रस्ता दुभाजक तयार करताना सिमेंट व इतर मिश्रण, यंत्रसामुग्री रस्त्याच्या मध्यभागी ठेवली जाते. अनेक वेळा दुभाजक उचल ठेव करण्यासाठी रस्त्या मध्येच जेसीबी आणून उभा केला जातो. अचानक काम सुरू असलेल्या ठिकाणी कामगार, यंत्रसामुग्री आली की त्या ठिकाणी वाहतूक कोंडीला सुरूवात होते. कामगार वाहतूक कोंडीपेक्षा त्याच्या कामाला महत्व देत असल्याने तो कोंडीकडे लक्ष देत नाही. अशी कामे सुरू असताना तेथे वाहतूक पोलीस नसल्याने त्या भागात वाहन कोंडीला सुरूवात होते. मग वाहन चालक तोडलेला रस्ता दुभाजक, दुभाजक तयार करण्याचे काम सुरू असलेल्या ठिकाणातून उलट मार्गिकेत घुसून इच्छित स्थळी प्रवासाला सुरूवात करतो. अशावेळी समोरुन येणाऱी वाहने सुसाट असल्याने उलट मार्गिकेतून जाणाऱ्या वाहन चालकाल ती धडकण्याची दाट शक्यता असते. उलट मार्गिकेतून यापूर्वी दुचाकी स्वार प्रवास करत होते. आता कोंडीतून मुक्त होण्यासाठी अवजड ट्रक, टेम्पो, मोटार चालक पण घुसतात. जागोजागी वाहतूक पोलीस तैनात करणे वाहतूक विभागाला शक्य नसल्याने त्याचा गैरफायदा चालक घेत आहेत, असे प्रवाशांनी सांगितले.

More Stories onठाणेThane
Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Dombivli due to the broken dividers in front of dhabas petrol pumps auto repair shops shilphata traffic jam msr
First published on: 18-08-2022 at 12:59 IST