कल्याण: डोंबिवली जवळील पिसवली गाव हद्दीत गुरुवारी रस्त्यावर सापडलेल्या मतदार ओळखपत्र प्रकरणात हलगर्जीपणा केल्याचा ठपका ठेवत कल्याण ग्रामीणच्या निवडणूक अधिकाऱ्याने संबंधित मतदान केंद्रस्तरीय अधिकारी (बीएलओ) यांच्या विरुध्द शुक्रवारी मानपाडा पोलीस ठाण्यात गुन्हा दाखल केला.

या कारवाईत कल्याण डोंबिवली, ठाणे पालिका शाळांंमधील शिक्षक, कर्मचारी अडचणीत येण्याची शक्यता वर्तविण्यात आली आहे. गुरूवारी रस्त्यावर मतदान ओळखपत्र सापडल्यापासून कोणतीही भूमिका न घेणाऱ्या कल्याण ग्रामीण निवडणूक विभागाने कल्याण लोकसभेच्या उमेदवार वैशाली दरेकर यांनी या लोकसभेची निवडणूक रद्द करून फेर निवडणूक घेण्याची मागणी शुक्रवारी दुपारी केली. त्यानंतरच्या दोन तासात खडबडून जागे झालेल्या निवडणूक विभागाने तत्परतेने हालचाली केल्या. या प्रकरणाला जबाबदार असणाऱ्या मतदान केंद्रस्तरीय अधिकारी (ब्लाॅक लेव्हल ऑफिसर) यांच्यावर मानपाडा पोलीस ठाण्यात गुन्हा दाखल केला.

Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
Dombivli illegal chawls demolished
डोंबिवलीत बेकायदा चाळींवर कारवाई
kalyan shivsena new appointment
कल्याणमधील ठाकरे गटाच्या नव्या नेमणुका, सामान्य शिवसैनिकांमध्ये नाराजी
Kalyan Dombivli Municipality, Dangerous Building, kdmc Action Against Landlady of Dangerous Building, kalyan news,
कल्याणमध्ये अतिधोकादायक इमारतीच्या घरमालकीणीवर गुन्हा, कल्याण डोंबिवली पालिकेकडून प्रथमच आक्रमक कारवाई
Regency Anantam Water Cut Issue
डोंबिवलीतील हाय प्रोफाईल गृहसंकुल प्रकल्पात पाण्याचा खडखडाट, घरं खरेदी केलेल्या लोकांची निराशा
ticket reservation centre, Dombivli railway station, central railway
डोंबिवली रेल्वे स्थानकातील स्थलांंतरित आरक्षित तिकिटांचे केंद्र सज्ज
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
rumor, Vishal Agarwal absconding, pimpri chinchwad police, porsche car accident
विशाल अगरवाल पोलिसांच्या ताब्यातून फरार? पिंपरी चिंचवड पोलिसांनी केला खूलासा…

हेही वाचा : डोंबिवली रेल्वे स्थानकातील स्थलांंतरित आरक्षित तिकिटांचे केंद्र सज्ज

कल्याण ग्रामीणचे मतदान नोंदणी अधिकारी विश्वास गुर्जर यांनी सांगितले, पिसवली गाव हद्दीत रस्त्यावर एका पोतडीत ७२० जुनी मतदार ओळखपत्रे, पाच शैक्षणिक कागदपत्रे आढळली. ही सर्व कागदपत्रे कल्याण डोंबिवली पालिकेच्या कल्याण पूर्वेतील नेतिवली येथील शाळा क्रमांक १९ मधील आहेत. या शाळेतील रद्दी शिक्षकांनी काढून ती रद्दी विक्रेत्याला विकली होती. या रद्दीमध्ये शालेय कागदपत्रांबरोबर शिक्षकांनी शाळेत असलेली मतदान ओळखपत्रे एका पोतडीत भरून ती रद्दी विक्रेत्याला विकली होती.

ही रद्दी एक टेम्पोत भंगार विक्रेता घेऊन जात होता. त्यावेळी पिसवली गावाच्या प्रवेशव्दार कमानीजवळ टेम्पोतून मतदान ओळखपत्रे असलेली पोतडी पडली. ती टेम्पो चालक, भंगार खरेदीदाराच्या निदर्शनास आली नाही. पोतडीत मतदान ओळखपत्रे असल्याने एका नागरिकाने ती मानपाडा पोलिसांच्या ताब्यात दिली. ६७९ ओळखपत्रे २००६ ते २००४ काळातील जुनी आहेत. ४१ स्मार्ट कार्ड यात आहेत. ती २०१७ ते २०२१ काळातील आहेत.

हेही वाचा : मुख्यमंत्री आणि गणेश नाईक विसंवाद मिटता मिटेना, गणेश नाईकांच्या विधानाची कार्यकत्यांमध्ये चर्चा

शाळेतून रद्दी विकताना संबंधित शाळेतील शिक्षक, शाळाप्रमुख, या भागातील मतदान केंद्रस्तरीय अधिकारी यांनी जी काळजी घेणे आवश्यक होते. ती न घेतल्याने या प्रकरणाशी संबंधित कल्याण डोंबिवली पालिकेतील कर्मचारी, दिवा प्रभाग समिती कार्यालयातील कर्मचारी यांंच्यावर हलगर्जीपणाचा ठपका ठेवत त्यांच्यावर निवडणूक विभागाने शुक्रवारी गुन्हा दाखल केला. तसेच, या कर्मचाऱ्यांना निवडणूक विभागाने व्यक्तिगत पातळीवर कारवाईच्या नोटिसा बजावल्या आहेत, असे मतदान नोंदणी अधिकारी विश्वास गुर्जर यांनी सांगितले.

हेही वाचा : अन्यथा राजन विचारे, विनायक राऊत पराभूत होण्याचे कारण नव्हते, नाना पटोलेंचा शिंदे सरकारवर आरोप

या प्रकरणाचा तपास वरिष्ठ पोलीस निरीक्षक विजय कदबाने यांच्या मार्गदर्शनाखाली सुरू करण्यात आला आहे. तक्रारदार उमेदवार वैशाली दरेकर यांनी याप्रकरणाची निष्क्षपातीपणे चौकशी झाली नाहीतर आपण केंद्र, राज्य निवडणूक आयोगाकडे दाद मागणार आहोत, असे सांगितले.