ठाण्यात ईदची मिरवणूक गणेश विसर्जन मिरवणुकीच्या दुसऱ्या दिवशी

यंदा अनंत चतुर्दशी आणि ईद-ए-मिलाद हे सण २८ सप्टेंबर या एकाच दिवशी येत आहेत. अनंत चतुर्दशीच्या दिवशी शहरात गणेश मूर्ती विसर्जन मिरवणुका निघतात. तर, ईद-ए-मिलादच्या दिवशी शहरात जुलूस निघतो. हिंदू आणि मुस्लिम समाजाचे सण एकाच दिवशी असेल तर सर्वाधिक ताण पोलिसांवर असतो. कुठलाही अनुचित प्रकार घडू नये याची जबाबदारी पोलिसांवर असते. यामुळे अनंत चतुर्दशी आणि ईद-ए-मिलाद हे सण एकाच दिवशी आल्याने पोलिसांपुढे शहरात बंदोबस्त तैनात करण्याबरोबरच कायदा व सुव्यवस्था राखण्याचे मोठे आव्हान उभे राहील होते. या पार्श्वभूमीवर मुंबई तसेच इतर शहरांमध्ये २९ तारखेला ईदची मिरवणूक गणेश विसर्जन मिरवणुकीच्या दुसऱ्या दिवशी काढण्याचा निर्णय मुस्लिम समाजाने घेतला आहे. अशाचप्रकारचा निर्णय ठाण्यातील मुस्लिम समाजाने घेतला आहे.

आणखी वाचा

सांगली: नांदण्यास येत नाही म्हणून तरुणीला विषारी औषध पाजून मारण्याचा प्रयत्न

Lalbaugcha Raja Visarjan 2023 : लालबागच्या राजाचं अखेर २३ तासांनी विसर्जन, अत्याधुनिक तराफ्यातून बाप्पाला निरोप; पाहा VIDEO

शासकीय कार्यालयांना सलग पाच दिवस सुट्टय़ा

ठरलं! भगवान रामाच्या प्राणप्रतिष्ठा दिनी जंगी कार्यक्रम, भारतात जानेवारी महिन्यातही साजरी होणार दिवाळी

हेही वाचा – ठाणेकरांची घराजवळच गणेश मुर्ती विसर्जनास पसंती, दीड दिवसांच्या १३,९५५ गणेश मूर्तींचे विसर्जन, कृत्रिम तलाव व विशेष टाकीला प्राधान्य

हेही वाचा – गणेशोत्सवाच्या देखाव्यातून विविध सामाजिक संदेश; घरोघरी गणेशोत्सवासाठी चांद्रयान मोहिमेची आरास

ठाण्यातील राबोडी येथे सुन्नी सर्कल मशीद कमिटीची बैठक नुकतीच पार पडली. या बैठकीला समितीचे पदाधिकारी, धर्मगुरू आणि माजी नगरसेवक नजीब मुल्ला यांच्यासह इतर नागरिक उपस्थित होते. या बैठकीत दोन्ही समाजाला आपले सण आनंदात साजरे करता यावेत आणि पोलिसांवरही बंदोबस्ताचा ताण असू नये यासाठी ईदची मिरवणूक गणेश विसर्जन मिरवणुकीच्या दुसऱ्या दिवशी काढण्याचा निर्णय घेण्यात आला.