ठाणे : ठाणे महापालिका शाळांना नव्या भरती प्रक्रीयेतून १८१ शिक्षक उपलब्ध झाल्याने शाळेतील शिक्षकांची कमतरता दूर होताना दिसत असतानाच, या शाळांमध्ये मुख्याध्यापकच नसल्याची बाब पुढे आली आहे. ठाणे महापालिकेच्या प्राथमिक आणि माध्यमिक अशा एकूण १३४ शाळा असून यापैकी ५७ शाळा मुख्याध्यापकाविनाच सुरू असल्याचे चित्र आहे.

ठाणे महापालिकेमार्फत शहरात प्राथमिक आणि माध्यमिक शाळा चालविण्यात येतात. आर्थिक दृष्ट्या सक्षम नसलेल्या विद्यार्थी शिक्षणापासून वंचित राहू नयेत यासाठी पालिकेने या शाळा सुरू केल्या. पालिकेच्या प्राथमिक १११ तर, माध्यमिक २३ अशा एकूण १३४ शाळा आहेत. या शाळा मराठी, हिंदी आणि उर्दु माध्यमाच्या आहेत. या शाळेत सद्यस्थितीत ३५ हजार ४१२ विद्यार्थी शिक्षण घेत आहेत. त्यांना शिकविण्यासाठी ९०० शिक्षकांची पदे मंजुर आहेत. परंतु गेल्या काही वर्षात शिक्षक निवृत्तीचे प्रमाण वाढले आहे. यामुळे या शाळांमध्ये सद्यस्थितीत ६७० शिक्षक उपलब्ध आहेत. २३० हून अधिक शिक्षकांची कमतरता असल्याने एका शिक्षकावर दोन वर्गांची जबाबदारी होती. शिक्षकांच्या कमतरतेमुळे विद्यार्थ्यांचे नुकसान होण्याची भिती व्यक्त होत होती. दरम्यान, पवित्र पोर्टलवरुन ठाणे महापालिकेला १८१ शिक्षक उपलब्ध झाले आहे. उर्वरित ५० शिक्षकांची कमतरता दूर करण्यासाठी पालिकेने तासिका शिक्षक घेण्याचा निर्णय घेऊन त्याच्या अंमलबजावणीची प्रक्रीया सुरू केली आहे. असे असतानाच, १३४ पैकी ५७ शाळांमध्ये मुख्याध्यापकच नसल्याची बाब पुढे आली आहे.

नक्की वाचा
revised pension to maharashtra government employees proposal in state cabinet meeting today
कर्मचाऱ्यांना सुधारित निवृत्तिवेतन; राज्य मंत्रिमंडळ बैठकीत आज प्रस्ताव
10th September Rashi Bhavishya & Marathi Panchang
१० सप्टेंबर पंचांग: अनुराधा नक्षत्रात सुखाने भरेल तुमची झोळी! प्रिय व्यक्तीची भेट तर व्यापारात होईल मोठा फायदा; वाचा तुमचे भविष्य
Will procedure of teacher recruitment change what is the decision of education department
शिक्षक भरतीची कार्यपद्धती बदलणार? शिक्षण विभागाचा निर्णय काय?
chairmanship of ladki bahin scheme review committee hand over to mlas of ruling party in thane district
लाडकी बहीण’ योजनेत सत्ताधारी आमदारांचीच वर्णी
Education Minister Deepak Kesarkar, suspension, Thane education officer, Mumbai education officer, Badlapur case, CCTV cameras, municipal schools, delay,
मुंबई आणि ठाण्याचे शिक्षणाधिकारी निलंबित, शालेय शिक्षण मंत्री दीपक केसरकर यांची घोषणा
Vasai, bhayandar railway station suicide, father and son suicide, Jai Mehta, dual marriage, Bhayandar railway station, southern girl
वसई : पिता पुत्राचे रेल्वे रूळावरील आत्महत्येचे गूढ उकलले; मुलाचे प्रेमसंबंध उघड
Contract teachers, low enrollment schools,
कमी पटसंख्येच्या शाळांमध्ये आता कंत्राटी शिक्षक; शालेय शिक्षण विभागाच्या नव्या निर्णयामुळे वादाची चिन्हे
possibility of traffic congestion due to the ceremony at ISKCON temple
ठाणे : इस्कॉन मंदिरातील सोहळ्यामुळे वाहतूक कोंडीची शक्यता

हे ही वाचा… संपूर्ण राज्यच माझे कुटुंब, मुख्यमंत्री एकनाथ शिंदे यांचा उद्धव ठाकरेंना टोला

ठाणे महापालिकेच्या १३४ शाळेपैकी ५७ शाळेत मुख्याध्यापकच नाहीत. त्यात मराठी माध्यमाच्या ४३, उर्दु माध्यमाच्या १० आणि हिंदी माध्यमाच्या ४ शाळांचा समावेश आहे. या शाळांमधील अनेक शिक्षक मुख्याध्यापक पदोन्नतीच्या प्रतिक्षेत आहेत. परंतु त्यांना पदोन्नती मिळाली नसल्यामुळे ही पदे रिक्त असल्याचे पालिका सुत्रांनी सांगितले.

हे ही वाचा… “विधानसभेला किसन कथोरेंचे काम करणार”, माजी मंत्री कपिल पाटलांचा नरमाईचा सूर; “मागे कुणी काय केले ते गौण…”

ठाणे महापालिका शाळेला पवित्र पोर्टलद्वारे १८१ शिक्षक उपलब्ध झालेले आहेत. तसेच ५४ शिक्षकांना मुख्यध्यापक पदोन्नती देण्यासंबंधीचा तयार करण्यात आलेला असून तो प्रस्ताव मंजुरीच्या प्रक्रीयेत आहे. त्यामुळे या शाळांना लवकरच मुख्याध्यापक मिळतील. – सचिन पवार, उपायुक्त, शिक्षण विभाग, ठाणे महापालिका