उल्हासनगर: येथील शहराच्या शहाड भागात असलेल्या सेंच्युरी रेयॉन या कंपनीत शनिवारी सकाळी टँकरच्या भीषण स्फोटात चार जणांचा मृत्यू झाला आहे. तर चार जण जखमी झाले आहेत. मृत आणि जखमींची नावे समजू शकलेली नाहीत. उल्हासनगरच्या शासकीय मध्यवर्ती रूग्णालयाचे अधिक्षक डॉ. मनोहर बनसोडे यांनी या वृत्तास दुजोरा दिला आहे. दरम्यान, कंपनी प्रशासनाने मात्र दोनच जणांचा मृत्यू झाल्याचे जाहीर केले असून दोघांचा शोध सुरू असल्याचा दावा केला आहे.
ठाणे जिल्ह्यातील उल्हासनगर येथील कल्याण
हेही वाचा >>>सात सट्टेबाजांना अटक, इंग्लंड विरुद्ध न्यूझीलंड क्रिकेट सामन्यावर सुरू होता सट्टा
सेंच्युरी रेयॉन कंपनीतर्फे जाहीर करण्यात आलेल्या प्रसिद्धी पत्रकात या दुर्घटनेत दोन जणांचा मृत्यू झाल्याचा दावा करण्यात आला आहे. आणखी दोघांचा शोध सुरू असून इतर चौघे जखमी आहेत. या घटनेची कंपनी व्यवस्थापनातर्फे चौकशी सुरू असून परिस्थिती आटोक्यात असल्याचे कंपनी व्यवस्थापनाने प्रसिद्धी पत्रकात म्हटले आहे. या घटनेत मृत्यू झालेल्या कामगारांच्या कुटुंबियांना आर्थिक मदत तसेच कुटुंबातील एका सदस्याला नोकरी देण्यात येणार असल्याचे कंपनी व्यवस्थापनाने म्हटले आहे.
Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Four killed in century rayon company tanker explosion in ulhasnagar amy
