वर्षभरात डोंबिवली परिसरातील ३०० विद्यार्थी वाहन मालकांकडून नऊ लाखाचा दंड वसूल

शालेय बस वाहतूक नियमाप्रमाणे ही कारवाई करण्यात आली आहे. विद्यार्थ्यांची वाहतूक करणाऱ्या बस, रिक्षा, इतर खासगी वाहने उपप्रादेशिक परिवहन विभागाच्या आवश्यक परवानग्या घेऊन, विद्यार्थ्यांची सुरक्षितता विचारात घेऊन विद्यार्थी वाहतूक करतात की नाही याची नियमित अचानकची तपासणी सुरू कारवाई केली जाते. या तपासणीत विद्यार्थी वाहतुकीला धोका निर्माण होईल अशी कोणतीही चूक निदर्शनास आली तर तात्काळ त्या वाहन मालक, शाळा चालकांवर कारवाई, दंड प्रस्तावित केली जातो, असे बारकुल यांनी सांगितले.

३०० वाहनांवर कारवाई

कल्याण उपप्रादेशिक परिवहन विभागातील उल्हासनगर, डोंबिवली, कल्याण, अंबरनाथ परिसरातील शालेय विद्यार्थ्यांची गेल्या वर्षभरात ठिकठिकाणी अचानक तपासणी करण्यात आली. या तपासणीत शालेय बस नियमाप्रमाणे अनेक वाहने विद्यार्थी वाहतूक करत नसल्याचे निदर्शनास आले. यामध्ये बस, ओमनी वाहन, रिक्षा वाहनांचा समावेश होता. जानेवारी २०२५ ते जानेवारी २०२६ या कालावधीत एकूण २९८ वाहनांंवर शालेय बस नियमावलीचे उल्लंघन करण्यात आल्याने कारवाई करण्यात आली. यात शाळेला वाहन पुरवठादार मालक, काही शिक्षण संस्था चालक यांच्याकडून गेल्या वर्षभरात सात लाख ८३ हजाराचा दंड वसूल करण्यात आला.

मागील वर्षभरात २५९ वाहनांवर कारवाई करण्यात आली. चालू जानेवारी महिन्यात ३९ शालेय वाहनांवर कारवाई करण्यात आली. या वाहन मालकांकडून एक लाख ४० हजार रूपयांचा दंड वसूल करण्यात आला आहे, अशी माहिती बारकुल यांनी दिली. शाळांना तंबी शालेय बसमध्ये शालेय बस नियमावलीप्रमाणे विद्यार्थी सहाय्यक, साहाय्यिका आवश्यक आहेत. शालेय बसना विद्यार्थ्यांच्या सुरक्षिततेचा विचार करून खिडक्यांना संरक्षित जाळ्या बसविल्या पाहिजेत अशा सर्व सुरक्षिततेच्या उपाय योजनांची वाहन तपासणी करताना पाहणी केली जाते. यात त्रृटी आढळल्या तर तात्काळ त्या वाहन मालक किंवा शिक्षण संस्थेला दंड ठोठावला जातो. दंड न भरल्यास संबंधित संस्थेची वाहने अटकाव केली जातात, असे बारकुल यांनी सांगितले.

उपप्रादेशिक परिवहन विभागाची परवानगी नसलेल्या कोणत्याही अनधिकृत वाहनांमधून पालकांनी शाळेत पाठवू नये, असे आवाहन बारकुल यांनी केले आहे. अनेक वेळा स्वस्तात प्रवास होतो म्हणून अनेक पालक आरटीओचा परवाना नसलेल्या वाहनातून विद्यार्थ्यांना शाळेत पाठवितात. त्या वाहनाला अपघात झाल्यास मग अनेक प्रश्न निर्माण होतात. त्यामुळे प्रत्येक पालकाने आपल्या पाल्याचा विचार करून अधिकृत वाहनातून मुलांना शाळेत पाठवावे, असे आवाहन उपप्रादेशिक परिवहन अधिकारी आशुतोष बारकुल यांनी केले आहे.