जुनी डोंबिवलीत पायवाट बंद करून उभारलेल्या बेकायदा इमारतीला नोटीस; इमारतीत प्रवेशासाठी रस्ता नसल्याने गाळ्यामधून प्रवेशव्दार

जुनी डोंबिवलीत मुख्य वर्दळीची जुनी पायवाट बंद करून प्रकाश गोठे, शंकर ठाकूर या भूमाफियांनी गेल्या वर्षभराच्या कालावधीत ही बेकायदा इमारत उभारली आहे. विघ्नेश्वर कृपा आणि उदयराज या अधिकृत इमारतींच्या मध्यभागी नागरिकांच्या जाण्याच्या वाटेत ही बेकायदा इमारत दहशतीचा अवलंब करून भूमाफियांनी उभारली आहे. या बेकायदा इमारती विषयी तक्रारी वाढल्याने पालिकेच्या ह प्रभागाचे साहाय्यक आयुक्त राजेश सावंत यांनी या बेकायदा इमारतीच्या भूमाफियाला वरिष्ठांच्या आदेशावरून कारवाईची नोटीस पाठवली आहे.

आणखी वाचा

ठाणे ते आनंदनगर उन्नत मार्ग चार वर्षात

मविआ सत्तेत आल्यावर लाडकी बहीण योजना बंद करणार?…

‘मेट्रो ३’ स्थानकाबाहेरील काही वृक्ष उन्मळून पडल्याने पर्यावरणप्रेमींचा आरोप

मुंबई : देवनार पाडा स्मशानभूमी अंधारात, विजेचे दिवे बंद असल्याने नागरीकांना मनस्ताप

कल्याणमधील दुर्गाडी किल्ल्याजवळील ४० फुटी रस्त्यावरील २२ अतिक्रमणे जमीनदोस्त,भटाळे तलाव बुजवून उभारली होती बेकायदा बांधकामे

सामासिक अंतर न सोडता डोंबिवलीतील नवापाड्यात आठ माळ्याच्या बेकायदा इमारतीची उभारणी

वसई : गुन्हे शाखा-२ च्या पथकाची जलद कामगिरी, महामार्गावर आढळलेल्या मृतदेहाच्या हत्ये प्रकरणात तृतीयपंथीय ताब्यात

पुणे : चार तासांच्या अथक प्रयत्नांनंतर ट्रक आणि दुचाकी खड्ड्याबाहेर, पेव्हर ब्लॉक खचल्याने घडली घटना

हेही वाचा >>> कल्याण-कोल्हापूर कोंडुस्कर ट्रॅव्हल्सच्या बसमध्ये प्रवाशाचा ऐवज चोरीला

ही बेकायदा इमारत उभारताना भूमाफिया प्रकाश गोठे, शंकर ठाकूर यांनी सामासिक अंतर ठेवले नाही. इमारती बाहेर मुबलक जागा नसल्याने भूमाफियांनी इमारतीच्या एका व्यापारी गाळ्यामधून रहिवाशांना जाण्यासाठी रस्ता ठेवला आहे. या बेकायदा इमारतीत २५ सदनिका आहेत. तळ मजल्याला चार व्यापारी गाळे आहेत. एका गाळ्यात पालिकेची परवानगी न घेता दुकान सुरू करण्यात आले आहे. पालिकेच्या बाजार परवाना या दुकान चालकासह भूमाफियांवर कारवाई करण्याची मागणी तक्रारदाराकडून करण्यात येत आहे.

या बेकायदा इमारतीत सात माळे आहेत. पाचव्या माळ्यापर्यंत उद्ववाहनाची व्यवस्था इमारतीत आहे. या इमारतीत दुर्घटना घडल्यास या भागात अग्निशमन वाहन, रुग्णवाहिका किंवा डम्पर वाहन येण्यास वाव नाही. अडगळीच्या ठिकाणी असलेली ही बेकायदा इमारत भुईसपाट करण्याची मागणी परिसरातील नागरिकांकडून केली जात आहे.

या तक्रारींची दखल घेऊन अतिक्रमण नियंत्रण उपायुक्त अवधूत तावडे यांनी ह प्रभाग साहाय्यक आयुक्त राजेश सावंत यांना जुनी डोंबिवलीतील रस्ता अडवून उभारलेली बेकायदा इमारत, याच भूमाफियांनी उभारलेल्या फशी हाईट्स इतर कोपर, सखारामनगर काॅम्पलेक्स जवळील आरक्षित भूखंडावरील बेकायदा इमारती, कुंभारखाणपाडा, नवापाडा सुभाष रस्ता, राहुलनगरमधील रमाकांत आर्केड, सुदाम रेसिडेन्सी या बेकायदा इमारतींवर कारवाई करण्याचे लिखित स्वरुपात कळविले आहे.

हेही वाचा >>> कल्याणमध्ये घटस्फोटीत महिलेची इमारतीच्या गॅलरीमधून उडी मारून आत्महत्या

या बेकायदा इमारतीच्या सहाव्या, सातव्या माळ्यावर लाखो रूपये खर्च करून सदनिकांमध्ये सुशोभित फर्निचर उभारणीचे काम सुरू आहे. या इमारतीवरील पालिकेची कारवाई टाळण्यासाठी बनावट रहिवासी या इमारतीत घुसविण्याच्या हालचाली सुरू आहेत. पालिका अधिकाऱ्यांनी गोठे यांनी समाधानकारक खुलासा न केल्यास त्यांच्या रस्ते अडवून उभारणाऱ्या व फशी हाईट्स या दोन्ही बेकायदा इमारतीवर कारवाई केली जाईल, असा इशारा दिला आहे. ह प्रभागातील अधिकाऱ्यांनी गोठे यांच्यावर आवश्यक कारवाई सुरूकेली असल्याचे सांगितले.

डोंबिवली पश्चिमेतील तक्रारप्राप्त जुनी डोंबिवलीसह इतर सर्व बेकायदा इमारतींवर कारवाई करण्याचे लिखित आदेश ह प्रभाग साहाय्यक आयुक्तांना दिले आहेत. त्यांनी विहित प्रक्रिया पार पाडून या बेकायदा इमारतीवर कारवाई करायची आहे. अवधूत तावडे , उपायुक्त, अतिक्रमण नियंत्रण.