पत्नीच्या चारित्र्यावर सतत संशय घेणाऱ्या पतीने सोमवारी सकाळी पत्नीची धारदार शस्त्राने हत्या केली. यावेळी महिलेला वाचविण्याचा प्रयत्न करणाऱ्या शेजाऱ्यावर पतीने हल्ला केल्याने तोही गंभीर जखमी झाला आहे. कोळसेवाडी पोलिसांनी पतीला अटक केली आहे. गंभीर जखमी शेजाऱ्यावर कळवा येथील छ. शिवाजी महाराज रुग्णालयात उपचार सुरू आहेत.

या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> कल्याण डोंबिवली पालिकेत लघुलेखकाला सहाय्यक आयुक्त पदी पदोन्नती दिल्याने कर्मचाऱ्यांमध्ये नाराजी

पोलिसांनी सांगितले, सुनील शिंदे (४०) हा पत्नी शिल्पाच्या (३५) चारित्र्यावर नेहमी संशय घेत होता. यावरुन त्यांच्यात सतत भांडण होत होती. या सततच्या भांडणाला शिल्पा कंटाळली होती. सुनील, शिल्पा यांच्यात नियमित भांडणे होतात. याची माहिती शेजाऱ्यांना होती. त्यामुळे ते या घरगुती भांडणात पडत नव्हते.

हेही वाचा >>> डोंबिवलीकर वैतागले, अरुंद रस्त्यांमुळे शहरात वाहतूक कोंडी, त्यात पालिकेच्या कचरा वाहू गाड्यांच्या बेफिकीरीची भर

सोमवारी सकाळी शिल्पा आणि सुनील यांच्यात कडाक्याचे भांडण झाले. यावेळी संतप्त झालेल्या पती सुनीलने घरातील धारदार शस्त्राने पत्नी शिल्पावर रागाच्या भरात वार केले. शिल्पा बचावासाठी ओरडू लागल्याने शेजारी राहत असलेले संदेश परब भांडण सोडविण्यासाठी मध्ये पडले. त्यावेळी बेभान झाल्याने सुनीलने संदेशवर हल्ला केला.या हल्ल्यात संदेश गंभीर जखमी झाला. पत्नीचा जागीच मृत्यू झाला.ही माहिती मिळताच कोळसेवाडी पोलीस घटनास्थळी दाखल झाले. पोलिसांनी सुनील शिंदेला अटक केली आहे.

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Killing of wife due to suspicion of character amy
First published on: 26-09-2022 at 16:25 IST