कलानींना वळविण्याचे पवार गटाचे प्रयत्न

उल्हासनगर महापालिकेसह विधानसभा आणि लोकसभेमध्ये मतांची बेगमी करायची असल्यास कलानी कुटुंबाला जवळ ठेवावे लागते. त्यानुसार २०१७ मध्ये झालेल्या महापालिका निवडणुकांमध्ये भाजपने अनेक आरोप-प्रत्यारोपांनंतरही माजी आमदार पप्पू कलानी यांचे पुत्र ओमी कलानी यांना जवळ केले. त्यानंतर भाजपला पालिका निवडणुकांमध्ये सत्ता प्राप्त करता आली. मध्यंतरीच्या काळात बेबनाव झाल्याने कलानी गटाने भाजपला पराभवाची धूळ चारत शिवसेनेला मदत केली. त्यामुळे संख्याबळ असूनही भाजपचा महापौरपदाचा उमेदवार पराभूत झाला होता. त्यानंतर भाजप आणि कलानी कुटुंबांमध्ये मोठे अंतर निर्माण झाले.

आणखी वाचा

सत्ताधाऱ्यांकडून गांधींच्या मारेकऱ्यांना ‘थोर नायक’ ठरविण्याचा प्रयत्न – वडेट्टीवार

कॅनडात नाझी सैनिकाचा मुद्दा तापला; ट्रुडोंच्या सांगण्यावरून अध्यक्षांचा राजीनामा

“कुठे गेल्या गायी-म्हशी? गोमांसभक्षक संघ कार्यकर्त्यांकडे…”, संजय राऊतांचं सरकारवर टीकास्र

“आमच्या नेत्यांविरोधात हेडलाईन्स, मिम्स…”, टीव्ही अँकर्सवर बहिष्कार घातल्याप्रकरणी काँग्रेसचं स्पष्टीकरण

मध्यंतरीच्या काळात राष्ट्रवादी काँग्रेसमध्ये कलानी आणि गंगोत्री गटामध्ये वाकयुद्ध रंगले. त्यातही राष्ट्रवादी काँग्रेसच्या वरिष्ठांनी कलानी गटाची साथ दिली होती. त्यामुळे कलानी गटाचे महत्व अधोरेखीत झाले होते. अजित पवार यांनी महायुतीला साथ देत उपमुख्यमंत्रीपदाची शपथ घेतली, त्यावेळी कलानी गटातील काही पदाधिकारी उपस्थित होते. त्यानंतर शरद पवार यांच्या सभेतही कलानी गटाचे पदाधिकारी उपस्थित होते. त्यामुळे कलानींची नेमकी भूमिका काय याबाबत प्रश्नचिन्ह होते.

परिसरात वरचष्मा

उल्हासनगर विधानसभा मतदारसंघासह आसपासच्या भागात कलानींचे वर्चस्व आहे. त्यांच्या गटाचे सर्वाधिक नगरसेवक या भागात आहेत. लोकसभा निवडणुकीवेळी खुद्द तत्कालीन नगरविकास मंत्री आणि विद्यमान मुख्यमंत्री एकनाथ शिंदे यांनी टीम ओमी कलानी गटाने आयोजित केलेल्या सभेत मंचावर हजेरी लावली होती. त्यामुळे कलानींचे महत्व अधोरेखीत झाले होते.