Minister Shambhuraj Desai determination problem of traffic jams Thane district Planning Committee ysh 95 | Loksatta

ठाणे जिल्हा कोंडीमुक्त करण्याचा पालकमंत्री शंभूराज देसाईंचा निर्धार; जिल्हा नियोजन समितीचा आढावा

ठाणे जिल्ह्यातील रस्त्यांच्या दर्जा सुधारणांबाबत आणि वाहतूक कोंडीची समस्या दूर करण्यासाठी मुख्यमंत्री एकनाथ शिंदे यांनी नगरविकासमंत्री असताना काही योजना आखल्या होत्या.

ठाणे जिल्हा कोंडीमुक्त करण्याचा पालकमंत्री शंभूराज देसाईंचा निर्धार; जिल्हा नियोजन समितीचा आढावा
ठाण्याचे पालकमंत्रीपद शंभूराज देसाई

ठाणे : ठाणे जिल्ह्यातील रस्त्यांच्या दर्जा सुधारणांबाबत आणि वाहतूक कोंडीची समस्या दूर करण्यासाठी मुख्यमंत्री एकनाथ शिंदे यांनी नगरविकासमंत्री असताना काही योजना आखल्या होत्या. त्यांची अंलबजावणी करण्यात येईल. तसेच जिल्हा वाहतूक कोंडीमुक्त आणि खड्डेमुक्त करण्याच्या मुद्दय़ावर भर दिला जाईल, अशी ग्वाही ठाणे जिल्ह्याचे नवनिर्वाचित पालकमंत्री आणि राज्याचे उत्पादन शुल्क मंत्री शंभूराज देसाई यांनी दिली.

 देसाई यांनी गुरुवारी जिल्हाधिकारी कार्यालयात नियोजन समितीच्या बैठकीत जिल्ह्यातील विविध विकासकामांचा आढावा घेतला. देसाई यांनी अधिकाऱ्यांना जिल्ह्यातील रखडलेल्या कामांची यादी पाठवण्याच्या सूचना केल्या. या कामांबाबत मुख्यमंत्र्यांशी संवाद साधून त्यावरील स्थगिती उठवण्याबाबत चर्चा केली जाईल, असेही त्यांनी स्पष्ट केले. त्याचबबरोबर  ग्रामीण आणि शहरी भागाला जोडणाऱ्या रस्त्यांचे काम दोन टप्प्यांत करण्याच्या सूचना त्यांनी जिल्हा परिषदेच्या मुख्य कार्यकारी अधिकाऱ्यांना केली.

नियोजन समितीच्या बैठकीआधी पालकमंत्र्यांनी जिल्ह्यातील लोकप्रतिनिधींची एक बैठक आयोजित केली होती. यामध्ये उपस्थित लोकप्रतिनिधींनी पालकमंत्र्यांना त्यांच्या विभागातील समस्यांची माहिती दिली. दरम्यान,  या पहिल्याच बैठकीला मंत्री चार तास उशिराने पोहोचले. 

अधिकाऱ्यांची कानउघाडणी ..

ठाणे जिल्ह्यातील विकासकामांसाठी दिलेला जिल्हा वार्षिक योजनांचा निधी वेळेत आणि १०० टक्के खर्च होईल याची दक्षता संबंधित यंत्रणांनी घ्यावी. त्यात कुठलीही दिरंगाई करू नये. तसेच अधिकाऱ्यांनी केवळ कार्यालयात बसून काम न करता प्रत्यक्ष जागेवर भेट देऊन काम करावे, अशी सक्त ताकीद देत शंभूराज देसाई यांनी अधिकाऱ्यांची कानउघाडणी केली.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
प्रशासनात मोठा खांदेपालट; ठाणे आयुक्तपदी अभिजीत बांगर, नवी मुंबई आयुक्तपदी नार्वेकर

संबंधित बातम्या

कल्याण रेल्वे स्थानकाजवळील वाहतूक कोंडीवर उपाय; कल्याण आगारातील बस दुर्गाडी, मुरबाड गणेश घाट येथून सोडण्याचा निर्णय
कल्याण-डोंबिवली पालिका हद्दीत २६० एड्सचे रुग्ण
कल्याण-डोंबिवली महानगरपालिका: विजयी उमेदवारांची यादी
ठाणे : दीड वर्ष रखडलेल्या बुलेट ट्रेनबाबतच्या प्रस्तावाला चर्चेविनाच शिवसेनेची मंजुरी!
शहापूरमध्ये बर्ड फ्लूमुळे खळबळ; ३०० हून अधिक कोंबड्या दगावल्या, १५ हजार कोंबड्या नष्ट करण्याची मोहीम!

व्हिडिओ

ताज्या बातम्या
ऑस्ट्रेलिया-विंडीज कसोटी मालिका :ऑस्ट्रेलियाचा वेस्ट इंडिजवर १६४ धावांनी विजय
पाकिस्तान-इंग्लंड कसोटी मालिका :पाकिस्तानला विजयासाठी २६३ धावांची गरज
पुणे मॅरेथॉनमध्ये इथियोपियाच्या धावपटूंची मक्तेदारी; पुरुष विभागात लेटा गुटेटा, तर महिलांमध्ये देरार्टु केबेडे विजेते
‘बिग बॉस’ मराठीच्या घरातून डॉ. रोहित शिंदे बाहेर; इतर स्पर्धक झाले भावुक
पुणे: अंमली पदार्थांची विक्री करणाऱ्या सासू-सुनेला अटक; २० किलो गांजा जप्त