scorecardresearch

कल्याण: बिर्ला महाविद्यालय परिसरातून विद्यार्थ्यांचे मोबाईल चोरीला

वाढत्या चोरीच्या घटनांमुळे महाविद्यालय परिसरात सकाळ, दुपारच्या वेळेत पोलिसांनी गस्त वाढविण्याची मागणी विद्यार्थ्यांकडून केली जात आहे.

कल्याण: बिर्ला महाविद्यालय परिसरातून विद्यार्थ्यांचे मोबाईल चोरीला
संग्रहित छायाचित्र

कल्याण मधील बिर्ला महाविद्यालयाच्या परिसरात महाविद्यालयात शिक्षण घेत असलेल्या दोन विद्यार्थ्यांचे मोबाईल भुरट्या चोराने चोरून नेले आहेत. एका विद्यार्थ्याच्या तक्रारी वरुन पोलिसांनी मोबाईल चोरांचा तपास सुरू केला आहे.

हेही वाचा- डोंबिवली : बनावट कागदपत्रांच्या आधारे स्टेट बँकेतून कर्ज घेण्याचा भूमाफियांचा प्रयत्न

अभिषेक परब असे विद्यार्थ्याचे नाव आहे. तो मिलिंदनगर गौरीपाडा भागात राहतो. शुक्रवारी सकाळी अभिषेक आणि त्याचा एक मित्र बिर्ला महाविद्यालयाच्या मागील प्रवेशव्दारातून येत होते. यावेळी भुरट्या चोराने अभिषेक आणि त्याच्या मित्राचा मोबाईल फोन चोरला. सोळा हजार रुपये किमतीचे मोबाईल आहेत. मोबाईल मध्ये अभ्यासक्रमाची टिपणे, सादरीकरणाचे प्रकल्प होते. ते चोरीला गेल्याने विद्यार्थी अस्वस्थ आहेत.

हेही वाचा- “…म्हणून स्थानिक स्वराज्य संस्थांच्या निवडणुका लवकर व्हाव्यात”, राज ठाकरेंनी केली प्रतिक्रिया व्यक्त

अभिषेकने याप्रकरणी खडकपाडा पोलीस ठाण्यात तक्रार केली आहे. महाविद्यालय परिसरात सकाळ, दुपारच्या वेळेत विद्यार्थी ये-जा करतात. या संधीचा गैरफायदा घेत दुचाकीवरुन काही भुरटे चोर येऊन ते विद्यार्थ्यांच्या हातामधील मोबाईल हिसकावून पळून घेऊन जात आहेत. महाविद्यालय परिसरात सकाळ, दुपारच्या वेळेत पोलिसांनी गस्त वाढविण्याची मागणी विद्यार्थ्यांकडून केली जात आहे.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 14-12-2022 at 18:27 IST

संबंधित बातम्या