व्यवसाय सुलभतेसाठी केंद्र शासनाच्या निर्णयानंतर राज्य शासनाच्या नगरविकास विभागाने राज्यभरातील नगर पालिकांमधील बांधकाम परवानगीसाठी महावास्तू संकेतस्थळावरून बांधकाम परवानगी व्यवस्थापन प्रणाली (बीपीएमएस) लागू केली होती. मात्र सातत्याने येणाऱ्या तांत्रिक अडचणी, नव्या नियमांचा संकेतस्थळावर असलेला अभाव यामुळे या प्रणालीमुळे परवानगी घेणाऱ्यांना नुकसान सोसावे लागत होते. अखेर आरेखक आणि पालिकांच्या सूचनानंतर ऑनलाईन प्रणालीसह ऑफलाईन बांधकाम परवानगी अर्ज सादर करण्याला राज्य शासनाने परवानगी दिली आहे. त्यामुळे सर्वांनाच त्याचा फायदा होणार आहे.

या बातमीसह सर्व प्रीमियम कंटेंट वाचण्यासाठी साइन-इन करा

बांधकाम परवानगीची प्रक्रिया सोपी, सहज आणि पारदर्शन व्हावी या उद्देशाने केंद्र शासनाच्या सुलभतेचा व्यवसाय या धोरणानुसार राज्यातील नगरपालिका क्षेत्रांसाठी महावास्तू हे संकेतस्थळ राज्य शासनाने सुरू केले होते. त्यावरून बांधकाम परवानगी व्यवस्थापन प्रणाली १ जानेवारी २०२२ पासून सुरू करण्यात आली होती. मुंबई महानगर प्रदेशात अंबरनाथ आणि कुळगाव बदलापूर नगरपालिका यात मोडतात. त्यामुळे या दोन्ही नगरपालिकांमध्ये बांधकाम परवानगीचा अर्ज जानेवारीपासून ऑनलाईन पद्धतीने सादर करायचा होता.

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Offline service to apply for construction permission given by state government scsg
First published on: 15-06-2022 at 12:11 IST