डोंबिवली – डोंबिवली रेल्वे स्थानकाजवळील दिवा-वसई रेल्वे मार्गावरील अप्पर कोपर रेल्वे स्थानकातून प्रवास करणारे बहुतांशी प्रवासी जिन्यावरून चढण्याचा त्रास वाचविण्यासाठी आणि मधला मार्ग म्हणून रेल्वे मार्गातून प्रवास करत आहेत. दररोज जीवाशी खेळ करत या रेल्वे मार्गावरून प्रवास करणारे प्रवासी रेल्वे मार्गातून प्रवास करत असताना तैनातीवरील रेल्वे सुरक्षा जवान करतात काय, असे प्रश्न जाणत्या प्रवाशांकडून उपस्थित केले जात आहेत.

बदलापूर, कल्याण, डोंबिवली परिसरातून पश्चिम रेल्वे मार्गावरील वसई, विरार, डहाणू, बोईसरकडे जाण्याचा मधला मार्ग म्हणून या भागातील बहुतांशी प्रवासी मध्य रेल्वे मार्गावरील जमिनीवरील कोपर रेल्वे स्थानकात उतरून तेथून अप्पर कोपर रेल्वे स्थानकात जातात. तेथून वसई, डहाणू, पनवेल भागातील प्रवास रेल्वेच्या शटल सेवेने करतात. या रेल्वे मार्गामुळे प्रवाशांचा दादरमार्गे वसई, विरार, डहाणू भागात जाण्याचा सुमारे एक ते दीड तासाचा फेरा वाचतो. त्यामुळे बहुतांशी प्रवासी अप्पर कोपर रेल्वे स्थानकातील प्रवासाला प्राधान्य देतात.

Waiting again for start traffic in second tunnel of Kashidi
कशेडीच्या दुसऱ्या बोगद्यातील वाहतुकीसाठी पुन्हा प्रतिक्षा
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
karjat Bhivpuri local trains disrupted
कर्जत – भिवपुरी येथील तांत्रिक बिघाडामुळे लोकल सेवा विस्कळीत, कर्जतहून येणाऱ्या काही लोकल रद्द
Karjat CSMT local services delayed morning Kalyan, Dombivli central railway local train services passengers
सकाळच्या कर्जत-सीएसएमटी लोकल न आल्याने कल्याण, डोंबिवलीतील प्रवाशांमध्ये गोंधळ
Karjat Railway Station
Karjat कर्जत रेल्वे स्टेशनजवळ तांत्रिक बिघाड, मध्य रेल्वेची वाहतूक विस्कळीत, नेमकं काय घडलं?
dilapidated railway bridge on Nagpur Chhindwara route will be opened
नागपूर – छिंदवाडा मार्गावरील खचलेला रेल्वे पुला सुरू होणार,मुहूर्त ठरला
central railway cancelled 400 local trains
मध्य रेल्वेचा बोजवारा, सहा दिवसांत ४०० लोकल रद्द; ६५० लोकल विलंबाने
Kalyan Viral Video
“कल्याणकरांचं आयुष्य सोपं नाहीय”, कल्याण स्टेशनवरचा ‘तो’ जीवघेणा प्रकार पाहून धक्का बसेल; VIDEO एकदा पाहाच!

हेही वाच – ठाणे शहरात मनसेची केवळ ‘प्रचारहवाच’

अप्पर कोपर रेल्वे स्थानकात शटलमध्ये चढण्यासाठी, उतरण्यासाठी फलाटावरील गर्दीमुळे, जिना चढण्याचा त्रास वाचविण्यासाठी प्रवासी फलाटावर उतरण्याऐवजी विरुद्ध बाजूने रेल्वे मार्गात उतरतात. तेथून रेल्वे मार्गातून चालत जमिनीवरील कोपर रेल्वे स्थानकात जातात. या रेल्वे स्थानकात सरकता जिना नसल्याने प्रवाशांची कुचंबणा होते. दिवा-वसई, डहाणू-पनवेल, डोंबिवली-बोईसर रेल्वे मार्गावर शटल सेवा खूप तुरळक प्रमाणात आहे. एक ते दोन तासांनी या रेल्वे मार्गावर शटल धावतात. त्यामुळे या शटल सेवेला प्रवाशांची तुफान गर्दी असते. निश्चित वेळेत येणारी शटल उशिरा किंवा रद्द झाली तर दोन ते तीन शटलमधील प्रवाशांचा भार एकच लोकलवर येतो. त्यामुळे मिळेल ती शटल पकडून प्रवासी इच्छित स्थळी जाण्याचा प्रयत्न प्रवासी करतात.

सकाळी ७.५५ वेळेत अप्पर कोपर रेल्वे स्थानकात डहाणू-पनवेल शटल येते. बहुतांशी नोकरदार, विद्यार्थी, व्यापारी वर्ग या शटलने प्रवास करतो. अनेक प्रवासी अप्पर कोपर रेल्वे स्थानकात उतरून तेथून जमिनीवरील कोपर रेल्वे स्थानकात येतात. तेथून ठाणे, मुंबई, कल्याण, बदलापूर, आसनगावपर्यंतचा भागाच प्रवास करतात. सकाळी ५.५९ ची डोंबिवली-बोईसर शटल गेल्यानंतर थेट सकाळी १०.२० ची पनवेल-वसई शटल आहे. ही शटल वेळेत नाही आली तर प्रवाशांची कुचंबणा होते. या मधल्या वेळेत शटल वाढविण्याची प्रवाशांची मागणी आहे. रेल्वे मार्गातून प्रवास करणाऱ्या प्रवाशांना रोखण्यासाठी अधिकचे जवान येथे तैनात करण्याची प्रवाशांची मागणी आहे. सकाळच्या या भागात रेल्वे सुरक्षा बळाचा एक जवान असतो. पण त्यांना प्रवासी दाद देत नसल्याचे चित्र आहे. अधिक माहितीसाठी रेल्वे सुरक्षा जवान विभागाशी संपर्क साधला असता त्यांच्याकडून पुरेसे मनुष्यबळ उपलब्ध नसल्याचे सांगण्यात आले.

हेही वाचा – अंबरनाथमध्ये औषध कंपनीला आग; शेजारच्या दोन कंपन्यांनाही आगीची झळ

अप्पर कोपर रेल्वे स्थानकातून सकाळच्या वेळेत बहुतांशी नोकरदार, विद्यार्थी, व्यापारी वर्ग प्रवास करतो. प्रत्येकाची कामावर, महाविद्यालय, खासगी शिकवणीत जाण्याची घाई असते. त्यामुळे जिन्यावरून चढण्याचा त्रास वाचविण्यासाठी प्रवासी रेल्वे मार्गातून प्रवास करतात. हे थांबविण्यासाठी रेल्वेने रेल्वे मार्गात लोखंडी रोधक बसविले पाहिजेत. – प्रवीण प्रधान, प्रवासी.

Story img Loader