scorecardresearch

मुंब्रा येथे पोलिसांनी केले मेफेड्रॉन जप्त

मुंब्रा येथे पोलिसांनी ७२ ग्रॅम वजनाचे मेफेड्रॉन (एमडी) हे अमली पदार्थ जप्त केले आहेत.

मुंब्रा येथे पोलिसांनी केले मेफेड्रॉन जप्त
( संग्रहित छायचित्र )

मुंब्रा येथे पोलिसांनी ७२ ग्रॅम वजनाचे मेफेड्रॉन (एमडी) हे अमली पदार्थ जप्त केले आहेत. याप्रकरणी पोलिसांनी इरफान सय्यद (३९) आणि रज्जाक रंगरेज (३५) यांना ताब्यात घेऊन अटक केली आहे.

मुंब्रा येथील प्राईम रुग्णालयासमोर काहीजण एमडी हे अमली पदार्थ घेऊन येणार असल्याची माहिती मुंब्रा पोलिसांना मिळाली होती. त्याआधारे, साहाय्यक पोलीस निरीक्षक बोरसे, पोलीस शिपाई जमदाडे यांच्या पथकाने सापळा रचून इरफान आणि रज्जाक या दोघांना ताब्यात घेतले. त्यांची झडती घेतली असता पोलिसांना त्यांच्याकडून ७२ ग्रॅम वजनाचे १ लाख २९ हजार ६०० रुपये किमतीचे एमडी हे अमली पदार्थ आढळून आले.

याप्रकरणी इरफान आणि रज्जाक विरोधात मुंब्रा पोलीस ठाण्यात गुन्हा दाखल करण्यात आला असून पोलिसांनी त्यांना अटक केली आहे.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.