अंबरनाथ रेल्वे स्टेशनच्या प्लॅटफॉर्म नंबर तीनवर १५ ऑक्टोबर रोजी सकाळच्या सुमारास एक तरुण अचानक जमीनीवर कोसळला. यावेळी कर्तव्यावर असलेले रेल्वे पोलीस दलातील जवान मोहन दास यांनी तातडीने या तरुणाला मदत केली. दास यांनी या बेशुद्धावस्थेत पडलेल्या तरुणाला शुद्धीत आणण्यासाठी प्रयत्न केले. मात्र अनेक प्रयत्न करुनही हा तरुण शुद्धीत येत नसल्यामुळे अखेर दास यांनी त्याला सीपीआर दिले आणि काही वेळाने तो शुद्धीवर आला. महेश सुर्वे असं या तरुणाचे नाव असून त्याला प्राथमिक उपचार दिल्यानंतर नातेवाईकांना बोलावून घरी पाठवण्यात आले. रेल्वे पोलिसांच्या कर्तव्यदक्षतेमुळे एका प्रवाशाचे प्राण वाचल्याने रेल्वे पोलिसांचे कौतुक होत आहे. लोकसत्ताचे इतर व्हिडीओ पाहण्यासाठी येथे क्लिक करा.
