|| पूर्वा साडविलकर

शिलाई कारागिरांकडे १५ दिवस आधीच नोंदणी

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
parental anxiety parents concern about drug addict children
अधोविश्व : अमली पदार्थांमुळे पालकांमध्ये चिंता
Danger from electric wires on footpaths Inexcusable negligence of the Municipal Corporation after entrusting the work to the contractors navi Mumbai
पदपथांवरील विद्युत तारांमुळे धोका; कंत्राटदारांकडे काम सोपवल्यावर महापालिकेचे अक्षम्य दुर्लक्ष

ठाणे: करोनामुळे गतवर्षी दिवाळीतही कापड वा तयार कपडे खरेदी करणे टाळणाऱ्या ग्राहकांनी यंदा मात्र, महिनाभर आधीपासूनच दिवाळीची खरेदी केली असून तयार कपडे आणि कापड बाजारात  तेजी दिसत आहे.  एवढेच नव्हे तर, कपडे शिलाई करणाऱ्या व्यावसायिकांकडेही १५ दिवस आधीच नोंदणी पूर्ण झाली असून आता शिलाईसाठी जाणाऱ्यांना नकार मिळू लागला आहे.

मोठमोठ्या मॉलमधील तसेच बाजारपेठांतील कपड्यांच्या दुकानांमध्ये दसऱ्यापासूनच खरेदीसाठी गर्दी होऊ लागली आहे. दिवाळी तोंडावर येऊ लागल्याने ही गर्दी अधिकच वाढू लागली आहे.

दिवाळीच्या निमित्ताने आपल्याला हव्या त्या प्रकारचे कापड खरेदी करून हव्या त्या पद्धतीने कपडे शिवून घेण्याकडे अनेकांचा कल असतो. त्यामुळे यंदा अनेक ग्राहकांनी १५ दिवस आधीच शिलाई दुकाने गाठून कपडे शिवण्यासाठी दिल्याचे व्यावसायिकांनी सांगितले. आता अशी परिस्थिती आहे की, सध्या कपडे शिवून देण्यासाठी कारागीर मिळेनासे झाले आहेत.  धागे तसेच अन्य शिलाई साहित्याच्या दरांत वाढ झाल्याने शिलाईच्या दरांत २० ते ३० रुपयांची वाढ झाली आहे. असे असले तरी गेल्या वर्षीच्या तुलनेत ८० टक्के महिलांची मागणी ही कपडे शिवून घेण्याकडे असल्याचे शिलाई काम करणाऱ्या महिलांनी सांगितले. 

‘धनत्रोयदशी ते लक्ष्मीपूजनापर्यंतच्या आगाऊ नोंदणी आमच्याकडे आल्या आहेत. अजूनही या नोंदणी येत आहेत. आधीच्याच नोंदणी मोठ्या प्रमाणात आता येत असल्याने ग्राहकांनी दिवाळीनंतरची तारीख दिली जात आहे. अनेकांना ते शक्य नसल्यामुळे त्या नोंदणी आम्हाला रद्द कराव्या लागत आहेत,’ असे ठाण्यातील पिंकी साहू या शिलाई व्यावसायिकांनी सांगितले. ‘गतवर्षी करोनामुळे आमचा व्यवसाय पूर्णपणे बसला होता. मात्र यंदा ग्राहकांकडून चांगला प्रतिसाद आहे. महिलावर्गाकडून पारंपरिक साड्यांसह कांजीवरम आणि बनारसी साड्यांवर सिल्कच्या आकर्षक झरीमुळे या साड्यांना विशेष मागणी आहे,’ असे ‘कलानिधी’चे मालक अमित कारिआ यांनी सांगितले.