Residents beaten up by gangs for playing Garba thane news | Loksatta

मुंबई : गरबा खेळण्यावरुन वाद; टोळक्यांकडून रहिवाशांना मारहाण

सोसायटीत गरबा खेळण्यास मज्जाव केला म्हणून टोळक्याकडून रहिवाशांना मारहाण करण्यात आली.

मुंबई : गरबा खेळण्यावरुन वाद; टोळक्यांकडून रहिवाशांना मारहाण
गरबा खेळण्यावरुन टोळक्यांकडून रहिवाशांना मारहाण

कल्याण शिळफाटा रस्त्यावरील निळजे गावातील लोढा हेवन गोकुळधाम सोसायटी येथे दोन तरुणांना सोसायटीतील रहिवाशांनी गरबा खेळण्यास यापू्वी मज्जाव केला. त्याचा राग मनात धरुन तरुणांच्या टोळक्याने सोसायटी आवारात येऊन काही रहिवाशांना शिवीगाळ, मारहाण केल्याचा प्रकार शनिवारी रात्री बारा वाजता घडला आहे. रहिवाशांनी मानपाडा पोलीस ठाण्यात तरुणांच्या विरुध्द तक्रार केली आहे.

हेही वाचा- डोंबिवलीतील कोपर पूर्वमध्ये नाल्यावरुन प्रवाशांचा धोकादायक प्रवास

रोशन लोखंडे (रा. हेदुटणे), आकाश सिंग (रा. गोकुळधाम सोसायटी, निळजे), अविनाश कांबळे (रा. चंद्रेश कोणार्क, निळजे), जगदीश अशी आरोपींची नावे आहेत. निळजे गावातील गोकुळधाम सोसायटी आवारात हा प्रकार घडला आहे. गोकुळधाम सोसायटीमधील रहिवासी सचीन कोतकर यांनी याप्रकरणी तक्रार केली आहे.

हेही वाचा- ठाणे : कशेळी-काल्हेर भागात तीन तासांपासून बत्तीगुल

पोलिसांनी सांगितले, निळजे येथील भवानी चौकातील गोकुळधाम सोसायटीच्या आवारात दररोज सोसायटीतील महिला, तरुण, तरुणी, बालगोपाल मंडळी गरबा खेळतात. या गरब्याच्या ठिकाणी गोकुळधाम सोसायटीमधील एका कुटुंबात राहत असलेला आकाश सिंग आणि त्याचा हेदुटणे येथील रहिवासी असलेला मित्र रोशन लोखंडे यांना सोसायटी पदाधिकाऱ्यांनी गरबा खेळण्यास मज्जाव केला. आम्ही काहीही केले नसताना आम्हाला मनाई का असे प्रश्न आकाश सिंग यांनी केले. या विषयीचा राग मनात ठेऊन आकाश सिंग याने मित्र रोशन, अविनाश, जगदीश यांच्या मदतीने शनिवारी रात्री बारा वाजता गोकुळधाम सोसायटीच्या आवारात आले. आम्हाला का गरबा खेळू दिला जात नाही असा प्रश्न करुन त्यांनी रहिवाशांना शिवीगाळ सुरू केली. आकाश, रोशन यांनी बांबूने रहिवासी अमन जमादार, तक्रारदार सचीन कोतकर यांना बेदम मारहाण केली.

हेही वाचा- कल्याण डोंबिवली पालिका आयुक्तांचे झिंगाट गाण्यावर नृत्य ; नगरविकास प्रधान सचिवांकडे तक्रार

अचानक घडलेल्या या प्रकाराने खळबळ उडाली. दहशत निर्माण करण्यासाठी हा प्रकार करण्यात आल्याने सोसायटी पदाधिकारी सचीन कोतकर यांनी याप्रकरणी मानपाडा पोलीस ठाण्यात तक्रार केली. पोलिसांनी गुन्हा दाखल केला आहे. साहाय्यक पोलीस निरीक्षक सर्जेराव पाटील तपास करत आहेत.

मराठीतील सर्व ठाणे ( Thane ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
डोंबिवलीतील कोपर पूर्वमध्ये नाल्यावरुन प्रवाशांचा धोकादायक प्रवास

संबंधित बातम्या

डोंबिवलीतील ३८ बेकायदा इमारतींमधील एक हजार सदनिकांचे खरेदी-विक्री व्यवहार रोखले
ठाणे, नवी मुंबई, विरारमध्ये म्हाडाची दोन हजार घरे; येत्या १० दिवसांत जाहिरात, सोडत लवकरच
ठाणे: येऊरच्या जंगलात मादी बिबट्याचा मृत्यू
कल्याण बदलापूर राज्यमार्गावर खोदकामाचा अडथळा,वाहतूक कोंडी भर
कल्याण: नागरी समस्यांवरुन कल्याण डोंबिवली पालिकेसमोर जागरुक नागरिकांची धरणे आंदोलने

व्हिडिओ

ताज्या बातम्या
“छत्रपती शिवाजी महाराजांचे नाव जरी घेतले तरी…”; शिवरायांबद्दल बोलताना अमोल कोल्हेंचा माईक बंद केल्याने NCP चा हल्लाबोल
BCCI Selection Committee: जवळजवळ ठरलंच! आयपीएलवर आगपाखड करणारा खेळाडू होणार बीसीसीआय निवड समितीचा अध्यक्ष
भान हरपून सायली संजीवने कॉफी शॉपमध्येच केलं असं काही की…; फोटो व्हायरल
“सैराटने मराठी चित्रटसृष्टी उद्ध्वस्त केली”; अनुराग कश्यपचं मोठं विधान, ‘कांतारा’च्या यशानंतर रिषभ शेट्टीला सल्ला देत म्हणाला…
रणबीर कपूरला करायचंय पाकिस्तानी कलाकारांबरोबर काम; म्हणाला “अभिनेत्याला मर्यादा…”