डोंबिवली येथील पूर्व रेल्वे स्थानक भागातील चिमणीगल्ली जवळ विजेच्या खांबाला गळफास घेऊन एका इसमाने आत्महत्या केली. शनिवारी पहाटे हा प्रकार पादचाऱ्यांच्या निदर्शनास आला.रामनगर पोलिसांनी तातडीने घटनास्थळी येऊन या इसमाचा मृतदेह विद्युत खांबावरुन उतरवून शवविच्छेदनासाठी पालिकेच्या रुक्मिणीबाई रुग्णालय येथे पाठविला. खांबा जवळ एक रिकामी पिशवी आढळून आली. त्यात काही आढळून आले नाही. या इसमाची ओळख पटविण्याचे काम पोलीस करत आहेत.मध्यरात्रीच्या सुमारास या इसमाने गळफास घेतला असावा असा संशय पोलिसांनी वर्तविला आहे.