ठाणे : मुंबई महापालिकेकडून ठाणे शहरात होणाऱ्या पाणी पुरवठ्यात ५ टक्के कपात लागू करण्यात आली आहे. येत्या ५ जूनपासून पाणी कपातीत वाढ होणार असून ही वाढ १० टक्के इतकी असणार आहे. या कपातीमुळे मुंबई महापालिकेच्या पाण्याचा पुरवठा होणाऱ्या ठाण्यातील काही भागांमध्ये पाणी टंचाईची समस्या निर्माण होणार असल्याने येथील नागरिकांवर पाणी टंचाईचे संकट ओढावल्याचे चित्र आहे.

ठाणे शहरात चार स्त्रोतांमार्फत दररोज ५९० दशलक्ष लीटर इतका पाणी पुरवठा करण्यात येतो. त्यामध्ये महापालिकेच्या स्वत:च्या पाणीपुरवठा योजनेतून २५० दशलक्ष लीटर, महाराष्ट्र औद्योगिक विकास महामंडळाकडून १३५ दशलक्ष लीटर, स्टेम कंपनीकडून १२० दशलक्ष लीटर आणि बृहन्मुंबई महापालिकेकडून ८५ दशलक्ष लीटर इतका पाणी पुरवठा करण्यात येतो. यामुळे शहरातील पाणीपुरवठ्यासाठी हे स्रोत महत्वाचे मानले जातात. मुंबई महानगराला पाणीपुरवठा करणाऱ्या जलाशयांमधील पाणीसाठ्यात घट झाली आहे. यामुळे हा जलसाठा अधिकाधिक काळ उपयोगात यावा, यादृष्टीने खबरदारीचा उपाय म्हणून मुंबई महानगरपालिकेने पाणी पुरवठ्यात ५ टक्के कपात करण्याचा निर्णय घेतला आहे. या निर्णयामुळे मुंबई महापालिकेकडून ठाणे शहराला मिळणाऱ्या पाणी पुरवठातही पाच टक्के कपात लागू झाली आहे. या कपातीमध्ये ५ जूनपासून आणखी वाढ केली जाणार असून ही वाढ १० टक्के इतकी असणार आहे.

family stuck on roof
नागपूरच्या पिपळा फाटा भागात छतावर अडकलेल्या कुटुंबातील सहा जणांना वाचवण्यात यश
Mumbai, traffic, rain, Train,
मुंबई : पावसाचा जोर वाढल्याने वाहतूक सेवेवर परिणाम, कर्जत-चौक दरम्यान रेल्वे सेवा ठप्प
Heavy Rain, Heavy Rain Boosts Pavana Dam, Pavana Dam Water Levels boost, Averting Water Crisis for Pimpri Chinchwad , pimpri chinchwad news, marathi news,
पिंपरी चिंचवड: पवना धरण परिसरात गेल्या २४ तासात तब्बल १३२ मिलिमीटर पाऊस; पाणी साठ्यात झाली वाढ
water storage reached upto 25 percent in dams after continue rain zws
पाणलोट क्षेत्रात दमदार पाऊस; मात्र मुंबईतील पाणीकपात कायम; धरणांतील पाणीसाठा २५ टक्क्यांवर
Nashik city, Nashik city to Experience Complete Water Shutdown, water shutdown in nashik, nashik news,
नाशिक : शनिवारी संपूर्ण नाशिक शहराचा पाणी पुरवठा बंद
Only 35 percent of BEST fleet is self owned Mumbai
बेस्टच्या ताफ्यात स्वमालकीच्या केवळ ३५ टक्के गाड्या
8 Zika patients found in maharashtra in two months
राज्यात दोन महिन्यांत सापडले झिकाचे आठ रुग्ण; वैद्यकीय अधिकाऱ्यांना सतर्क राहण्याच्या सूचना
Excavation of Wadala to Paral water tunnel completed by Mumbai Municipal Corporation
मुंबई महानगरपालिकेतर्फे जलबोगद्यांचा विक्रम… न्यूयॉर्कपाठोपाठ सर्वांत मोठे जाळे… पण यातून पाणी प्रश्न सुटणार का?

हेही वाचा…शिळफाटा रस्त्यावरील मेट्रोची दिखाव्याची कामे बंद करा, मनसे आमदार राजू पाटील यांची ‘एमएमआरडीए’वर टीका

या परिसरांना कपातीचा फटका

मुंबई महापालिकेकडून मिळणाऱ्या पाण्याचे वितरण ठाण्यातील विविध भागांमध्ये करण्यात येते. यामध्ये नौपाडा, पाचपाखाडी, हाजुरी, लुईसवाडी, रघुनाथ नगर, नामदेव वाडी, साईनाथ नगर, रामचंद्र नगर १, किसन नगर नंबर १, किसन नगर नंबर २, शिवाजी नगर, पडवळ नगर, जनता झोपडपट्टी, शिवशक्ती नगर, सावरकरनगर, अंबिका नगर, ज्ञानेश्वर नगर, जय भवानी नगर, काजुवाडी, जिजामाता नगर, बाळकुम पाडा नंबर १, लक्ष्मी नगर, आंबेडकर नगर, मानपाडा (नळपाडा), कोपरी धोबीघाट, गावदेवी (लुईसवाडी) जलकुंभ, टेकडी बंगला जलकुंभ, भटवाडी, इंदिरानगर, आनंद नगर, गांधी नगर, कोपरी कन्हैया नगर या भागांचा समावेश आहे. या भागांमध्ये आता ५ टक्के पाणी कपात लागू झाली आहे. तर, ५ जून पासून येथे १० टक्के पाणी कपात लागू होणार आहे, अशी माहिती पालिका प्रशासनाने दिली.