भाईंदर :- ठाणे लोकसभा जागेवर शिवसेनेचा उमेदवार घोषित झाल्यामुळे मिरा भाईंदर भाजपमध्ये नाराजीचे वातावरण पसरले आहे. त्यामुळे याचा थेट फटका महायुतीच्या प्रचारावर होणार असल्याची शक्यता आहे.

ठाणे लोकसभा क्षेत्रात भाजपची वाढलेली संघटनात्मक ताकद पाहता ही जागा आपल्या वाटेलाच यावी, अशी मागणी भाजप कार्यकर्ते व पदाधिकाऱ्यांकडून मागील काही दिवसापासून आक्रमकपणे करण्यात येत होती. तर मिरा भाईंदर भाजप पक्षाने शिवसेना उमेदवारासाठी काम करणार नसल्याचे थेट जाहीर केले होते. त्यामुळे या जागेवरून भाजप- शिवसेनेत रस्सीखेच सुरु असल्याची जोरदार चर्चा होती.

sambhajiraje chhatrapati (2)
Vishalgad : “स्थानिक लोकप्रतिनिधींमुळे विशाळगडावर…”, संभाजीराजेंचा दावा; नेमका रोख कोणाकडे?
https://indianexpress-loksatta-develop.go-vip.net/wp-login.php?redirect_to=https%3A%2F%2Findianexpress-loksatta-develop.go-vip.net%2Fwp-admin%2F&reauth=1
विशाळगडावरील अतिक्रमणावरून कोल्हापुरातील छत्रपती घराण्यातली मतभेद चव्हाट्यावर
Ganesh Naik challenged the Chief Minister through CIDCO and Urban Development Department
अस्वस्थ गणेश नाईक यांचे थेट मुख्यमंत्र्यांनाच आव्हान
Ganesh Naik, eknath shinde,
अस्वस्थ गणेश नाईकांचे थेट मुख्यमंत्र्यांनाच आव्हान
Shiv Sena Beed district chief Kundlik Khande expelled from party
शिवसेना बीड जिल्हाप्रमुख कुंडलिक खांडे यांची हकालपट्टी; अटकेनंतर पक्षाची कारवाई
suryakanta patil
विधानसभा निवडणुकीच्या तोंडावरच भाजपाला धक्का; माजी मंत्री सूर्यकांता पाटील शरद पवार गटात प्रवेश करणार?
Raju Shetti, political journey,
दोन पराभवांनंतर राजू शेट्टी यांची राजकीय वाटचाल आव्हानास्पद
After defeat of Ajit Pawars NCP in Pimpri-Chinchwad former corporators office bearers are uneasy
अजित पवारांच्या ‘राष्ट्रवादी’ला बालेकिल्ल्यात खिंडार?

हेही वाचा – विरारमध्ये मिसळ दुकानाला भीषण आग, आगीत दुकान जळून खाक; शहरात आग दुर्घटना सुरूच

अखेर ही जागा शिवसेनेला स्वतःकडे ठेवण्यात यश आले असून नरेश म्हस्के यांच्या नावाची अधिकृत उमेदवार म्हणून बुधवारी घोषणा करण्यात आली आहे. मात्र ही घोषणा झाल्यानंतर मिरा भाईंदर भाजपच्या गोट्यात नाराजीचे वातावरण पसरले आहे. इतकेच नव्हे तर सक्रिय कार्यकर्ते एकत्र जमत असून पुढील निर्णय घेण्यासाठी पक्ष श्रेष्ठींच्या आदेशाची वाट बघत आहे.

ठाणे लोकसभेसाठी भाजपतर्फे संजीव नाईक हे इच्छुक होते. गेल्या काही दिवसातच त्यांनी हा मतदारसंघ पिंजून काढत पहिल्या टप्प्यातील प्रचार देखील पूर्ण केला होता. त्यामुळे नाईकच हे आगामी निवडणूक लढवणार असल्याची भावना कार्यकर्त्यांमध्ये निर्माण झाली होती. मात्र एकाएकी शिवसेनेचा उमेदवार घोषित झाल्यामुळे भाजपात नाराजी पसरली आहे.

हेही वाचा – नालासोपाऱ्यात गॅस गळतीमुळे भीषण आग, तीन जण जखमी; अग्निशमन दलाकडून आगीवर नियंत्रण मिळविण्याचे काम सुरू

महाविकास आघाडीचे उमेदवार राजन विचारे हे या क्षेत्रातून दोन वेळा निवडून आले आहेत. त्यामुळे त्यांना टक्कर देण्यासाठी भाजपचाच उमेदवार असावा, अशी जनसामान्य नागरिकांची इच्छा आहे. त्यात महायुतीचे उमेदवार नरेश मस्के यांचा ठाणे वगळता नवी मुंबई आणि मिरा भाईंदरमध्ये जनसंपर्क नसल्यामुळे मोठा फटका बसणार असल्याची शक्यता भाजपच्याच एका वरिष्ठ नगरसेवकाकडून व्यक्त करण्यात आली आहे.

“आपल्या पक्षाचा उमेदवार असावा अशी प्रत्येक कार्यकर्त्यांची इच्छा असते. त्यानुसारच मिरा भाईंदरमधील कार्यकर्ते मागणी करत होते. मात्र आता शिवसेनाचा उमेदवार जरी घोषीत झाला असला तरी महायुतीधर्म सर्वोपरी अशी भावना मनात ठेवून पूर्ण ताकदीने उमेदवाराला जिंकून आणण्यासाठी काम करणार आहोत.” – किशोर शर्मा – जिल्हाध्यक्ष ( मिरा भाईंदर भाजप )