ठाणे : कळवा शहरात टोरंट पॉवर कंपनीतर्फे शनिवारी सकाळी वीजवाहिनीच्या दुरूस्ती आणि निगराणीचे काम हाती घेण्यात येणार आहे. त्यामुळे कळवा शहराच्या काही भागांतील वीजपुरवठा सकाळी ११ ते सायंकाळी ५ वाजेपर्यंत खंडीत राहणार आहे. कळवा शहरात टोरंट पॉवर कंपनीकडून विद्युत पुरवठा केला जातो. शनिवारी येथील वीजवाहिन्यांच्या दुरूस्ती आणि निगराणीचे काम हाती घेतले जाणार आहे. त्यामुळे येथील आतकोनेश्वर नगर, सफायर रुग्णालय, भास्कर नगर, पौंड पाडा, घोलाई नगर, आनंद विहार संकुल, अपर्णा राज सोसायटी, कोकणेश्वर पार्क, शिवशक्ती नगर, गुलमोहर, स्टॅन्डर्ड केमिकल, म्हात्रे कंपाऊंड, शिवशक्ती नगर या भागांचा विद्युत पुरवठा सकाळी खंडीत राहणार आहे, असे टोरंट पॉवर कंपनीतर्फे स्पष्ट करण्यात आले आहे.
