scorecardresearch

Premium

कल्याण-डोंबिवलीत तीन विद्यार्थ्यांना बेदम मारहाण

डोंबिवली, कल्याण शहराच्या वेगळ्या भागात तीन वेगळ्या घटनांमध्ये तीन महाविद्यालयीन विद्यार्थ्यांना बेदम मारहाण करण्यात आली आहे.

brutally beaten ,students were brutally, beaten Kalyan Dombivli news
कल्याण-डोंबिवलीत तीन विद्यार्थ्यांना बेदम मारहाण

कल्याण- डोंबिवली, कल्याण शहराच्या वेगळ्या भागात तीन वेगळ्या घटनांमध्ये तीन महाविद्यालयीन विद्यार्थ्यांना बेदम मारहाण करण्यात आली आहे. यामध्ये एका १७ वर्षाच्या अल्पवयीन विद्यार्थ्याचा समावेश आहे. वाहने चालविणाऱ्यावरुन, भांडण सोडविताना झालेल्या वादातून ही मारहाण या विद्यार्थ्यांना झाली आहे.मानपाडा, बाजारपेठ आणि कोळसेवाडी पोलीस ठाण्यात याप्रकरणी गुन्हे दाखल आहेत.

पोलिसांनी सांगितले, जितू निवृत्ती म्हात्रे (१८) हा महाविद्यालयीन शिक्षण घेतो. तो डोंबिवली पश्चिमेत सम्राट हाॅटेल भागात राहतो. गुरुवारी रात्री आठ वाजता जितू म्हात्रे आणि त्याचा मित्र आदित्य वेजारे कारमधून डोंबिवली एमआयडीसी भागात फिरत होते. ओंकार शाळेजवळील कावेरी चौकातून जात असताना त्यांना समोरुन आलेल्या कार चालकाने वाहन बाजुला घेण्यासाठी इशारा लाईट(डिप्पर) दिला. त्यावेळी जितू बसलेल्या कारमधील चालक वेजारे यानेही समोरील चालकाला इशारा लाईट दिला.

Two women policemen suspended for taking students to police station after dispute in convent school
सोलापूर : कॉन्व्हेंट शाळेतील वादातून विद्यार्थ्यांना पोलीस ठाण्यात नेणाऱ्या दोन महिला पोलीस निलंबित
Accused who assaulted student in Dombivli not arrested yet complaint to Thane Police Commissioner
डोंबिवलीत विद्यार्थ्याला मारहाण करणारे आरोपी मोकाट, ठाणे पोलीस आयुक्तांकडे तक्रार
student and his father brutally beaten up by two men in kalyan
Kalyan Crime: कल्याणमध्ये विद्यार्थ्याला बेदम मारहाण
primary school students in kolhapur fly to Isro
कोल्हापूरातील प्राथमिक शाळेतील १७ विद्यार्थी इस्त्रोला रवाना

हेही वाचा >>>डोंबिवलीत लग्नाचे आमिष दाखवून तरुणाचा अल्पवयीन मुलीवर लैंगिक अत्याचार

समोरील कार चालकाला त्याचा राग आला. त्याने पुढे जाऊन कार थांबविली. त्याने वेजारे याच्या कारजवळ येऊन जितू बसलेल्या बाजुचा दरवाजाचा उघडून जितूला मोटारीतून खाली उतरविले. त्याला तेथे बेदम मारहाण करुन स्वताच्या वाहनात बसवून खंबाळपाडा येथील कार्यालयात नेले. तेथे आरोपी सौरभ श्याम शेलार आणि त्याच्या तीन साथीदारांनी जितूला काठी, लाथाबुक्क्यांनी बेदम मारहाण करुन गंभीर दुखापत केली. अपहरण करुन नेलेल्या जितूची सुटका करण्यासाठी चालक वेजारे, विशाल भानुशाली खंबाळपाडा येथे गेले. आरोपींनी त्यांनाही मारहाण केली.

हेही वाचा >>>कसारा येथे तरुण -तरुणीची गळफास घेऊन आत्महत्या

जितूला गंभीर दुखापत झाल्याने तो शास्त्रीनगर रुग्णालयात उपचार घेत आहे. मानपाडा पोलिसांनी जितू म्हात्रेच्या तक्रारीवरुन सौरभ शेलार व इतर तीन जणांच्या विरुध्द गुन्हा दाखल केला आहे.दुसऱ्या घटनेत, कल्याण पूर्वेतील पुणे लिंक रस्त्यावरुन कुमार सुरेवाड (२६) हा मोटारीने चालला होता. त्याची कार अचानक बंद पडली. मागून येणारी कार समोरील बंद पडलेल्या कारला धडकली. सुरेवाडच्या कारमुळे आमच्या कारला अपघात झाला. त्यामुळे त्या कारमधील दोन जणांनी सुरेवाडला बेदम मारहाण केली. त्याच्या जवळील चार हजार जबरदस्तीने काढुन घेतले. कोळसेवाडी पोलीस ठाण्यात याप्रकरणी गुन्हा दाखल आहे.

हेही वाचा >>>कळवा रुग्णालयाऐवजी जितो संस्थेला अधिक महत्त्व, मनसेचे नेते अविनाश जाधव यांचा आरोप

एक अल्पवयीन विद्यार्थी आपल्या नातेवाईका बरोबर कल्याण पश्चिमेतील फडके मैदाना जवळून चालले होते. तेथे पिंपळासचा रहिवासी नयन पाटील याचे अनोळखी इसमावर बरोबर भांडण सुरू होते. ते सोडविण्यासाठी अल्पवयीन विद्यार्थी मध्ये पडला. त्याचा राग येऊन नयनने अल्पवयीन विद्यार्थ्याला मारहाण केली. नयनने चाव्या ठेवण्याच्या साखळीचा फटका विद्यार्थ्याच्या कपाळावर मारल्याने त्याला गंभीर दुखापत झाली आहे. बाजारपेठ पोलीस ठाण्यात याप्रकरणी गुन्हा दाखल करण्यात आला आहे.

Latest Comment
View All Comments
Post Comment

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Three students were brutally beaten in kalyan dombivli amy

First published on: 15-09-2023 at 11:59 IST

आजचा ई-पेपर : ठाणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×