ठाणे : ठाणे रेल्वे स्थानकाच्या पूर्वेला बंदूक विक्रीसाठी आलेल्या आकाश शिरसाठ (२६) आणि गोविंद जाधव (२३) यांना ठाणे गुन्हे अन्वेषण शाखेच्या मालमत्ता शोध कक्षा विभागाने अटक केली. पोलिसांनी त्यांच्याकडून दोन देशी बनावटीच्या बंदूक, आठ जिवंत काडतुसे जप्त केले. ठाणे रेल्वे स्थानकाच्या पूर्वेला एकजण शस्त्रास्त्र विक्री करण्यासाठी येणार असल्याची माहिती मालमत्ता शोध कक्षास मिळाली होती. या माहितीच्या आधारे पोलिसांच्या पथकाने आकाश शिरसाठ याला कोपरी येथून ताब्यात घेतले. आकाशकडून पोलिसांनी दोन बंदूका जप्त केल्या. तसेच आठ जिवंत काडतूसेही त्याच्याकडे आढळून आली. या बंदूक तो गोविंद जाधव याला विकणार होता, असे त्याच्या चौकशीत समोर आले. त्यानंतर पोलिसांनी आकाश यालाही जळगाव येथून अटक केली.
