कळव्यातील पाणी कोंडी मिटणार

कळवा शहरातील पाणी प्रश्न सोडविण्यासाठी कळवा येथील पारसिकनगर भागात जलवाहिनी टाकण्यासाठी २ कोटी ४३ लाख रुपयांचा निधी नगरविकास विभागाकडून महापालिकेस मंजूर झाला आहे.

ठाणे : कळवा शहरातील पाणी प्रश्न सोडविण्यासाठी कळवा येथील पारसिकनगर भागात जलवाहिनी टाकण्यासाठी २ कोटी ४३ लाख रुपयांचा निधी नगरविकास विभागाकडून महापालिकेस मंजूर झाला आहे. त्यामुळे येत्या काही वर्षांत शहरातील नागरिकांना पाणीटंचाईतून दिलासा मिळण्याची शक्यता आहे. 

कळवा शहरात मोठय़ा प्रमाणात नागरिकीकरण वाढले आहे. या भागात लोकसंख्येच्या तुलनेत कमी पाणीपुरवठा होत असतो. त्यामुळे दरवर्षी पाणीटंचाईचा सामना येथील नागरिकांना करावा लागतो. येथील पाणीटंचाई सोडविण्यासाठी कळवा-मुंब्रा आणि दिवा भागातून गेलेली ४० वर्षे जुनी जलवाहिनी बदलण्याचे काम सुरू आहे. अनेकदा त्यासाठी पाणीपुरवठा बंद करावा लागतो. मे २०२२ पर्यंत ही जलवाहिनी बदलण्याचे काम पूर्ण केले जाणार आहे. कळवा भागातील पारसिकनगर येथे नवीन जलवाहिनी टाकण्याकरिता महापालिकेकडे निधीची कमतरता होती. त्यामुळे नवीन जलवाहिनी टाकण्याचा प्रस्ताव शासनाकडे सादर केला होता. त्यास नगरविकास विभागाकडून मंजुरी देण्यात आली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ठाणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Water dilemma solved ysh

Next Story
सरस्वतीच्या साधनेने ‘लक्ष्मी’ प्रसन्न
ताज्या बातम्या