लहान मुलांना अगदी लहानपणापासूनच बाइक किंवा कार चालवण्याची हौस असते. पण त्यांनी कितीही हट्ट केला तरी आई-वडिल कधी आपल्या लहानग्यांच्या हातात गाडी देत नाही. मात्र, पाकिस्तानमधला एक व्हिडिओ सध्या सोशल मीडियामध्ये व्हायरल होत असून यात अवघ्या पाच वर्षांचा मुलगा चक्क Land Cruiser एसयूव्ही चालवताना दिसतोय. Land Cruiser चं नाव ऐकून तुम्ही हैराण झाला असाल की, इतका छोटा मुलगा इतकी मोठी आणि दणकट गाडी कशीकाय चालवू शकतो? शिवाय त्याचे पाय ब्रेक आणि रेसपर्यंत कसे पोहोचतील? असे अनेक प्रश्न तुमच्या डोक्यात आले असतील. तर, हा मुलगा पाय पोहोचत नाहीत म्हणून चक्क उभं राहून गाडी चालवत असल्याचं व्हिडिओत दिसत आहे. हा लहानगा एखाद्या मोकळ्या रस्त्यावरही नाही तर थेट वर्दळीच्या रस्त्यावर ही एसयूव्ही सुसाट पळवताना दिसतोय. पाकिस्तानच्या मुल्तान शहरातील हा व्हिडिओ असल्याचं सांगितलं जातंय. A small kid driving Landcruiser in Multan how’s his feet even touching pedals. Whose kid is this pic.twitter.com/h5AXZztnYb — Talha (@talha_amjad101) January 26, 2021 आणखी वाचा- बापरे…! ११ वर्षांचा मुलगा YouTube वर व्हिडिओ बघून शिकला हॅकिंग, नंतर वडिलांनाच अश्लील फोटो… व्हिडिओ पाहून नेटकरी चिमुकल्याला गाडी चालवण्याची परवानगी दिल्याबद्दल त्याच्या पालकांवर संताप व्यक्त करत आहेत. तर, व्हिडिओ व्हायरल झाल्यानंतर सीसीटीव्ही आणि गाडीच्या नंबरद्वारे गाडी मालकाचा शोध घेतला जात असून चिमुकल्याच्या आई-वडिलांविरोधात कारवाई केली जाईल अशी माहिती पाकिस्तानमधील वाहतूक पोलिसांनी एका वृत्तवाहिनीशी बोलताना दिली आहे.