News Flash

“मोदी साब..” म्हणत घरच्या अभ्यासासंदर्भात तक्रार करणाऱ्या चिमुकलीची सरकारने घेतली दखल

या सहा वर्षाच्या मुलीचा मोदींकडे तक्रार करणारा व्हिडीओ सोशल नेटवर्किंगवर व्हायरल झालेला

फोटो ट्विटरवरुन साभार

पंतप्रधान नरेंद्र मोदी आणि केंद्र सरकारवर सध्या करोना परिस्थिती हाताळण्यासंदर्भातील विषयावरुन टीका होत असतानाच काही दिवसांपूर्वी एका सहा वर्षीय मुलाने पंतप्रधानांकडे केलेल्या तक्रारीचा व्हिडीओही व्हायरल झाला होता. अगदी गोंडस शब्दांमध्ये ही मुलगी मोदींना लहान मुलांवरील ऑनलाइन लेक्चर्सचा भार कमी करण्याची मागणी करत होती. विशेष म्हणजे हा व्हिडीओ व्हायरल झाल्यानंतर या मुलीच्या मागणीचा विचार करण्यात येणार असून ४८ तासांमध्ये लहान मुलांच्या अभ्यासक्रमासंदर्भातील धोरणांचा अहवाल जम्मू काश्मीरचे नायब राज्यपाल मजोन सिन्हा यांनी मागवला आहे. यासंदर्भातील माहिती सिन्हा यांनीच ट्विटरवरुन दिलीय.

मागील वर्षभरापासून अधिक काळ झाला अनेक शाळा आणि कॉलेजमधील लेक्चर्स हे ऑनलाइन माध्यमातून होत आहे. करोनामुळे शाळा, कॉलेजेस बंद असल्याने ऑनलाइन माध्यमातून वर्ग भरवले जात आहेत. ऑनलाइन वर्गांमधील धम्माल आणि गोंधळाची सोशल नेटवर्किंगवर कायमच चर्चा असते. तसा एका वर्षाहून अधिक कालावधी झाल्याने शिक्षकांबरोबरच विद्यार्थ्यांनाही या ऑनलाइन क्लासेसची सवय झालीय. मात्र या ऑनलाइन क्लाससोबतच देशामधील करोनासंदर्भातील बातम्या, घरचा अभ्यास अशा अनेक गोष्टींमुळे मुलांच्या मनावर परिणाम होत असल्याचंही तज्ज्ञ सांगतात. याचीच झलक सध्या सोशल नेटवर्किंगवर व्हायरल झालेल्या एका लहान मुलीच्या व्हिडीओमधून पहायला मिळालं.

काश्मीरमधील सहा वर्षांच्या मुलीचा एक व्हिडीओ सोशल नेटवर्किंगवर व्हायरल झालाय. या व्हिडीओमधील लहान मुलगी देशाचे पंतप्रधान नरेंद्र मोदींना ऑनलाइन माध्यमातील शिकवणीनंतर देण्यात येणाऱ्या घरच्या अभ्यासासंदर्भात तक्रार करताना दिसत आहे. “छोटे बच्चो को इतना काम क्यू रखते हो मोदी साब?”, असा प्रश्न ही मुलगी थेट देशाच्या पंतप्रधानांना विचारताना व्हिडीओत दिसते. “बडे बच्चे जो सातवी आठवी मे है उन्हा जादा होमवर्क देना चाहिऐ,” असंही ही चिमुकली या व्हिडीओत म्हणता दिसते. १० ते २ वाजेपर्यंत मला ऑनलाइन शिकवणीला बसावं लागत असल्याची तक्रारही या मुलीने केलीय. इंग्रजी, गणित, उर्दू, पर्यावरण, कंप्युटर अशा अनेक विषयाच्या लेक्चर्सला मला ऑनलाइन माध्यमातून हजेरी लावावी लागत आहे.

ट्विटरवर हा व्हिडीओ व्हायरल झाला असून अनेकांनी या मुलीची तक्रार फारच गोंडस असल्याचं म्हटलं आहे. अनेकांनी पंतप्रधान कार्यालय म्हणजेच पीएमओने यासंदर्भातील उत्तर द्यावं अशी मागणी केलीय. मात्र पंतप्रधान कार्यालयाऐवजी ही मुलगी ज्या जम्मू काश्मीरमधील आहे तेथील नायब राज्यपालांनी या मुलीच्या तक्रारीची दखळ घेतलीय. “ही खूपच गोंडस तक्रार आहे. मी शिक्षण विभागाला लहान मुलांवरील घरच्या अभ्यासाचे ओझे कमी करण्यासंदर्भातील नवीन धोरण ४८ तासांमध्ये तयार करण्यासंदर्भातील आदेश दिलेत. लहान वयातील गोंडसपणा हा देवाने दिलेली देणगी असते. हे दिवस त्यांनी आनंदाने आणि समाधानाने जगले पाहिजे,” असं ट्विट नायब राज्यपालांच्या अधिकृत ट्विटर अकाऊंटवरुन करण्यात आलं आहे.

नेटकऱ्यांनी या व्हायरल व्हिडीओवर दिलेल्या काही प्रतिक्रिया पाहुयात…

१)

२)

३)

४)

५)

६)

७)

८)

९)

१०)

एकंदरितच हा व्हिडीओ व्हायरल झाल्याने थेट पंतप्रधानांनी नाही तरी राज्यपालांनी तरी या मुलीच्या तक्रारीची दखल घेतल्याने आगामी काळामध्ये जम्मू काश्मीरमधील शैक्षणिक धोरणांमध्ये काही बदल होतो का हे पाहायला मिळाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 2, 2021 10:15 am

Web Title: 6 year old kashmiri girl question for modi saab video goes viral j and k l g reacts scsg 91
टॅग : Coronavirus
Next Stories
1 विराट कोहली ‘वीगन’ आहे की नाही?
2 मेट्रो उद्घाटनासाठी गर्दी गोळा करणाऱ्या मुख्यमंत्र्यांवर कारवाई होणार का?; मुंबईकरांचा सवाल
3 “मोदी साब..” म्हणत सहा वर्षांच्या मुलीने पंतप्रधानांकडे केली तक्रार; व्हिडीओ झाला व्हायरल
Just Now!
X