सायकलवरुन २२०० किमी प्रवास करायचा आहे असं जर तुम्हाला कोणी सांगितलं तर वेड लागलंय काय अशी तुमची पहिली प्रतिक्रिया असेल. बरं त्यातही समोरील व्यक्तीचं वय ६५ च्या पुढे असेल तर तुमचा विश्वासच बसणार नाही…असाच एक व्हिडीओ सध्या सोशल मीडियावर व्हायरल झाला आहे. या व्हिडीओत ६८ वर्षीय महिला सायकल चालवत वैष्णोदेवीसाठी चालली आहे. यासाठी महिला तब्बल २२०० किमी सायकल चालवून हे अंतर गाठणार असल्याचं सांगत आहे.

व्हिडीओत साडी नेसलेली ६८ वर्षीय महिला सायकलवरुन प्रवास करताना दिसत आहे. ट्विटरवर एका युजरने हा व्हिडीओ शेअर केला आहे. युजरने व्हिडीओ शेअऱ करताना त्या बुलडाणा येथील खामगाव येथून प्रवास करत असल्याची माहिती दिली आहे. युजरने पोस्टमध्ये लिहिलं आहे की, “६८ वर्षीय मराठी महिला एकटी सायकलवरुन वैष्णोदेवीला जात आहे. खामगाव येथून २२०० किमी प्रवास…आईची शक्ती”.

आणखी वाचा
Bikini-clad woman rides crowded Delhi bus
बसमध्ये बिकिनी घालून प्रवास करणाऱ्या महिलेला पाहून ओशाळले प्रवासी; व्हिडीओ होतोय व्हायरल
foreign girl looking for indian husband
VIDEO : “मला भारतीय नवरा पाहिजे” विदेशी तरुणी शोधतेय लग्नासाठी मुलगा, व्हिडीओ होतोय व्हायरल
aastad kale angry post on airlines bad service
पत्नीच्या वाढदिवशी पॅरिसला पोहोचला मराठी अभिनेता, विमानप्रवासात आला ‘असा’ अनुभव; शेअर केली संतप्त पोस्ट
Bengaluru woman slammed for phone
स्कुटर चालवताना मोबाईलवर बोलण्यासाठी काकूंचा हटके जुगाड! व्हायरल व्हिडीओ एकदा बघाच

व्हिडीओत व्यक्ती १७००, १८०० किमी अंतर असेल असा अंदाज वर्तवत आहे….यावर महिला २२०० किमी असं उत्तर देते आहे. विशेष म्हणजे यावेळी त्यांच्यासोबत इतर कोणीही नसून एकट्याच आहेत. यावर त्या आपल्या मराठी माणसाने, महिलेने धाडस कधी करायचं…असं म्हणत त्या आपला निर्धार व्यक्त करताना दिसत आहेत. व्हिडीओच्या शेवटी समोरील व्यक्ती त्यांना पाणी देत पुढील प्रवासासाठी शुभेच्छा देत आहे.