ल्युडो हा खेळ खेळताना माझ्या वडिलांनी मला फसवलं. माझा माझ्या वडिलांवर पूर्ण विश्वास होता ते ल्युडो खेळताना माझी फसवणूक करतील अशी अपेक्षा नव्हती असा आरोप करत एका २४ वर्षीय तरुणीने फॅमिली कोर्टात धाव घेतली आहे. मध्य प्रदेशातील भोपाळ या ठिकाणी ही घटना घडली आहे. फॅमिली कोर्टातील समुपदेशक सरीता यांनी ही माहिती एएनआयला दिली. या मुलीच्या समुपदेशनासाठी आम्ही चार सेशन्स आयोजित केली आहेत. एएनआयने यासंदर्भातले वृत्त दिले आहे. Madhya Pradesh: A 24-year-old woman approaches Bhopal Family Court, alleging cheating by her father in a ludo game. "She said she trusted her father so much & didn't expect him to cheat. We have conducted 4 counselling sessions with her," says Sarita, a counsellor at the court. pic.twitter.com/WDgukJ53Jn — ANI (@ANI) September 26, 2020 मध्य प्रदेशातील भोपाळमध्ये ही घटना घडली आहे. माझे वडील मला ल्युडोमध्ये फसवतील असं मला मुळीच वाटलं नव्हतं. मात्र त्यांनी खेळ खेळताना मला फसवलं म्हणून कोर्टाचा दरवाजा ठोठावला आहे असं या मुलीने म्हटलं आहे. या मुलीला समुपदेशनाची गरज असून समुपदेशनासाठी आम्ही चार सेशन्स आयोजित केली आहेत असं कोर्टातल्या समुपदेशक सरिता यांनी ANI ला सांगितलं. एप्रिल महिन्यात या सारखीच एक घटना उत्तर प्रदेशात घडली होती. फरुखाबाद येथील महिलेने तिच्या पतीविरोधात पोलीस ठाण्यात धाव घेतली होती. ल्युडो खेळतना पतीने आपल्याला फसवले असा आरोप तिने केला होता. त्यानंतर आता मध्यप्रदेशातली घटना समोर आली आहे.
